News
Լրահոս
News
Շաբաթ
Փետրվար 24
Տեսնել լրահոսը

Չեմ կարծում, որ Փաշինյանն Օնիկ Գասպարյանին ձերբակալելու հրաման կարձակի, քանի որ հենց նույն օրը հակառակ պրոցեսը կլինի։  Այս մասին այսօր՝ մարտի 9–ին լրագրողների հետ հանդիպմանն ասաց Հայաստան համահայկական հիմնադրամի նախկին գործադիր տնօրեն Արա Վարդանյանը՝ խոսելով ՀՀ զինված ուժերի գլխավոր շտաբի հայտարարության, ներքաղաքական ճգնաժամի մասին։

«Ես չեմ կարծում, որ Նիկոլ Փաշինյանը գնալու է առճակատման Օնիկ Գասպարյանի հետ։ Կարծում եմ, որ նա կտրուկ քայլերի չի գնա։ Փաշինյանը քաղաքական ցուգցվանգի մեջ է։ Ցանկացած քայլ, որ նա այս պահին անում է, ի վերջո շրջվում է իր դեմ։ Երեք օր շարունակ անմարդկայնորեն պետական ռեսուրսը օգտագործելուց հետո չկարողացավ նույնիսկ 25 հազար մարդ հավաքել»– ասաց Վարդանյանը։

Վարդանյանը գլխավոր շտաբի հայտարարությունը համարում է ընդդիմության պայքարի հաջողություններից մեկը։

«Եթե ընդդիմությունը չանցկացներ այս երկարատև հանրահավաքները, չլիներ այդքան ակտիվ, միգուցե Օնիկ Գասպարյանը ձայն չհաներ և մնար իր պաշտոնին կամ հրաժեշտ տար իր պաշտոնին՝ առանց որևէ կռվի։ Մենք պետք է հասկանանք, որ Գլխավոր շտաբի հայտարարությունը իհարկե աննախադեպ է, բայց այն ուղղված է ժողովրդին։ Ժողովուրդը պետք է հասկանա, որ միայն մեր շատ լինելով է պայմանավորված լինելու Նիկոլ Փաշինյանի հեռացումը։ Հավատացեք, որ հաղթանակը հեռու չէ, մենք ունենք համագործակցություններ, տարբեր կառույցներ համագործակցում են։ Մենք տեսնում ենք՝ հարթակում կանգնած են ուժեր, որոնց առօրյա կյանքում անհնարին կլիներ պատկերացնել իրար հետ կանգնած»– նշեց նա։

Անդրադառնալով նաև Փաշինյանի՝ «Իսկանդերի» 10 տոկոսով պայթելու մասին հայտարությանը, Վարդանյանը նշեց, որ դա նախապես պլանավորված ակցիա էր։

«Մենք գիտենք, որ Օնիկ Գասպարյանի հայտարարությունը եղել է Փաշինյանի՝ «Իսկանդերի» մասին հայտարարությունից հետո։ Ակնհայտ է, որ Փաշինյանը ծաղրի առարկա դարձրեց Ռուսաստանի ամենահայտնի զենքն ամբողջ աշխարհում։ Եվ ինձ համար ակնհայտ էր, որ դա պատահականություն չէր։ Նիկոլ Փաշինյանը միշտ փորձում է շանտաժի լեզվով խոսել Ռուսաստանի հետ»– ասաց Վարդանյանը։

Հիշեցնենք, որ ՀՀ զինված ուժերի գլխավոր շտաբը փետրվարի 25–ին հայտարարություն էր տարածել,  պահանջելով վարչապետ Նիկոլ Փաշինյանի հրաժարականը։ Նշենք նաև, որ մարտի 2–ին, նախագահը երկրորդ անգամ չի ստորագրել  ԳՇ պետ Օնիկ Գասպարյանին պաշտոնից ազատելու վերաբերյալ վարչապետ Նիկոլ Փաշինյանի հրամանագիրը, սակայն որոշել է առանձին դիմումով դիմել Սահմանադրական դատարան «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով:

!
Այս նյութը հասանելի է նաև   English
Տպել
Կարդացեք նաև
Ամբողջը
Ընտանեկան խոսակցություն է լինելու, կպարզաբանեմ՝ ինչ է տեղի ունեցել իմ ու Օնիկ Գասպարյանի միջև. Նիկոլ Փաշինյան
Ես կարծում եմ, որ Տավուշի մարզում պետք է պարզաբանում տամ կոնկրետ իմ եւ գլխավոր շտաբի նախկին պետ Օնիկ Գասպարյանի հարաբերությունների մասին…
Օնիկ Գասպարյանի հաղորդման հիման վրա գործի հարուցումը մերժելու որոշման դեմ փաստաբանները բողոք են ներկայացրել դատարան
Վարչական դատարանը վարույթ է ընդունել ՀՀ ԶՈՒ ԳՇ պետ Օնիկ Գասպարյանի հայցադիմումն ու բավարարել միջնորդությունը…
Բա դուք չե՞ք ամաչում, ժամերով ԱԺ ամբիոնն օգտագործում եք նախկին իշխանություններին հայհոյելով, գետինը մտնեք.Արա Սահակյան
ՀՀԿ–«Հայրենիք» կուսակցություն դաշինքը հիմնված է քաղաքական նպատակահարմարության վրա…
Վերաքննիչ դատարանը Օնիկ Գասպարյանի բողոքը բավարարել է
Զինված ուժերի գլխավոր շտաբի նախկին պետ Օնիկ Գասպարյանի բողոքը բավարարելու մասին որոշում է կայացրել…
Մնա տանը՝ ձայնդ տուր Իլհամին. Վահե Հովհաննիսյան
Մի քանի գործոնների հանրագումարի պատճառով մշտապես առկա «տնային էլեկտորատը» այս անգամ շատ ավելի մեծ թիվ է կազմում...
Նիկոլն այլևս ՀՀ վարչապետը չի լինելու և մենք դա կտեսնենք ընտրություններից հետո. Բաբկեն Հարությունյան
Մարդիկ պետք է իրենց քվեն տան...
Ամենաշատ