Մենք այնքան ուժեղ ենք, այնքան հզոր ենք, որ այդ ճիվաղը ճիճվի նման սողալով գյուղից գյուղ է գնում, որ հանկարծ նորմալ մարդիկ չիմանան, որ ինքը մի տեղ կանգնած է, գնան հարց տան, ասեն՝ հը՞, տղեքրին սպանեցիր, Շուշին հանձնեցիր, էլ ի՞նչ ես ուզում մեզանից: Այս մասին այսօր «Հայրենիքի փրկության շարժման» հանրահավաքի ժամանակ ասաց «Այլընտրանքային նախագծեր» խմբի անդամ, «Ճշմարտություն սերունդների համար» նախաձեռնության համակարգող Գեղամ Նազարյանը:
Նրա խոսքով, Նիկոլ Փաշինյանի բերանով մեզ հետ խոսում է Ռեժեփ Թայիփ Էրդողանը, որն ասում է. «Դուք մեզ տվեցիք ձեր 5 հազար տղերքին, տվեցիք Շուշին, մենք ձեզ դրա դիմաց տալու ենք 200 դրամանոց ձեթ, 50 դրամանոց ձու, 200 դրամանոց բենզին: Եթե համաձայն եք այդ առաջարկին, համաձայնվեք, բայց ես գիտեմ, որ մեր ժողովուրդը այնքան լավն է, որ չի համաձայնելու, արդեն չի համաձայնել»:
«Սրանք մեզնից թաքուն Դուբյում, Դուշանբեում գաղտնի որոշեցին մեր տղաներին սպանել, Շուշին հանձնեն Ադրբեջանին: Հիմա նույն ձեւի գաղտնի որոշում են ամբողջ Հայաստանը հանձնեն Թուրքիային: Սրանք չեն մտածում, Նիկոլը չի մտածում, Ալենչոն չի մտածում, նրանց փոխարեն մտածում է Էրդողանը, որը խնդիր է դրել կուլ տալ ամբողջ Հայաստանը: Նրանք արդեն պարզ ասում են՝ Թուրքիային ուրիշ աչքերով նայեք»,-ասաց Գեղամ, Նազարյանը:
Նա ընդգծեց, որ պետք է այնպիսի մթնոլորտ ստեղծեն ամբողջ երկրով մեկ, որ Նիկոլ Փաշինյանն ու իր թիմը հասկանան, որ իրենք ընտրությունով որեւէ շանս չունեն«Լավագույն ելքն իրենք համար մի գիշեր թաքուն փախնելն է երկրից: Բայց խաչնեն էլ, հետ ենք բերելու եւ կոխելու ենք այն ծակը, որտեղ 100 տարի պետք է տառապեն»:
