ԱՄՆ Կապիտոլիումի շենքի մոտ տեղի ունեցած միջադեպի հետեւանքով վիրավորված ոստիկաններից մեկը մահացել է, հաղորդում է ՌԻԱ Նովոստի-ն:
«Մահացել է վիրավորում ստացած ոստիկանության սպան»,-ասել են մամուլի ասուլիսի ժամանակ:
Ավելի վաղ Կապիտոլիումի ոստիկանությունը տեղեկացրել էր, որ անհայտ անձը մեքենայով մխրճվել է ԱՄՆ Կոնգրեսի շենքի մոտ հսկիչ-անցագրային կետի երկու սպաների ուղղությամբ, որոնք տեղափոխվել են հիվանդանոց: Կասկածյալը բերման է ենթարկվել: MSNBC հեռուստաալիքը հայտնել է, որ առնվազն մեկ մարդու ուղղությամբ կրակել են: Վաշինգտոնում մի քանի փողոց փակ է դեպքի պատճառով: NBC News հեռուստաալիքը հաղորդում է, որ ավտոմեքենայի վարորդը, որը մխրճվել էր Վաշինգտոնում Կապիտոլիումի շենքի անցակետի մեջ, մահացել է:
