Հայաստանի իշխանությունները վախենում են հրապարակել ապրիլյան պատերազմի հանգամանքների սեփական հետաքննությունը: Այս մասին «Հայելիի» հետ հարցազրույցում ասել է պաշտպանության նախկին փոխնախարար, ՀՀԿ ներկայացուցիչ Արտակ Զաքարյանը:
Մինչեւ 44-օրյա պատերազմը եւ դրա ընթացքում ներկայիս իշխանությունների գործողությունների հետաքննությունը թողնելով դատարանին եւ քննչական մարմնին՝ Զաքարյանը շեշտեց, որ ապրիլյան պատերազմի քննիչ հանձնաժողովի արդյունքները չեն հրապարակվում այն պատճառով, որովհետեւ դրանք հստակ ցույց են տալիս, որ Փաշինյանն ու իր թիմը վերջին 5 տարիներին ժողովրդին խաբել են:
Քանի որ, եթե արդյունքները հրապարակեն, ստիպված կլինեն խոստովանել, որ ՀՀԿ-ն ոչ մի բանում մեղավոր չէ, որ բանակը բահերով չի կռվել, որ մատակարարումները կարգավորված էին՝ սնունդից մինչեւ սպառազինություն, որ իր իսկ ագրեսիայի սանձազերծումից 4 օր անց Ադրբեջանը խաղաղություն խնդրեց:
«Եվ ի պատասխան «անհրաժեշտ միջոցներ ընդունվեցին», սորոսական կազմակերպությունները փողեր ներդրեցին: Ապրիլյան պատերազմից հետո Ալիեւը հայտարարեց, որ իրեն ստիպում են ճանաչել Արցախի անկախությունը: Սեպտեմբեր-նոյեմբերի պատերազմից հետո Ալիեւը տեղեկացրեց այն մասին, որ Զանգեզուրը կդառնա թյուրքական աշխարհը միացնող միջանցք: Սա նիկոլիզմի շնորհիվ: Ահա, թե ինչից ինչի հասան: Նիկոլը ստով եւ ուղեղների լվացմամբ հասել է դրած նպատակին»,- հայտարարել է Արտակ Զաքարյանը:
Նրա խոսքով՝ ՀՀԿ ամենամեծ խնդիրն այն էր, որ կուսակցությունը չէր խոսում իր ձեռքբերումների մասին: Ի տարբերություն ներկայիս իշխանությունների, որոնք նվազագույն պարտականությունների կատարումը ներկայացնում են որպես մեծ ձեռքբերում, ՀՀԿ-ն դա իր պարտքն էր համարում:
Նախկին փոխնախարարը հիշեցրեց, որ երկիրը միաժամանակ լուծում էր խնդիրները եւ զարգանում, հարաբերություններ հաստատում, որպես գործոն էր հանդես գալիս: «ՀՀԿ-ն երբեք չի դրել իրեն գովաբանելու նպատակ: Պոպուլիզմը մեր կարգախոսը չէ»,- շեշտեց նա:
«Թող Նիկոլը ցույց տա, թե 3 տարում է ով է ընդհանրապես ուշադրություն դարձրել Հայաստանին»,- ցավով արձանագրեց Զաքարյանը:
