ՄԱԿ-ի Մարդու իրավունքների գերագույն հանձնակատար Միշել Բաչելետն ուրբաթ օրը ողջունել է աֆրոամերիկացի Ջորջ Ֆլոյդի մահվան գործով ԱՄՆ մեղադրական դատավճիռը: Չորեքշաբթի օրը Ժնեւում թողարկված հայտարարության մեջ նա կոչ է անում ԱՄՆ իշխանություններին «վճռականորեն արմատախիլ անել» խտրական քաղաքականության եւ ստրկավաճառության մնացուկները, փոխանցում է ՏԱՍՍ-ը:
«Սա նշանակալի դատավճիռ է»,- ասել է Բաչելետը՝շեշտելով, որ «ինչպես խոստովանել են ատենակալները, այս գործի ապացույցները բյուրեղային են»: «Ցանկացած այլ արդյունք ծաղր կլիներ արդարադատության նկատմամբ»,- ընդգծել է նա:
Ըստ Գերագույն հանձնակատարի՝ «խտրական քաղաքականության արմատացած ժառանգությունը, այդ թվում՝ ստրկության ժառանգության եւ անդրատլանտյան [ստրուկների] առեւտրի, ինչպես նաեւ գաղութատիրության ազդեցությունը, պետք է արմատապես արմատախիլ արվեն՝ հանուն ռասայական արդարության եւ հավասարության»: Հակառակ դեպքում Ֆլոյդի մահվան գործով մեղադրական դատավճիռը «պարզապես անցողիկ պահ» կդառնա, այլ ոչ թե՝«շրջադարձային», արձանագրել է նա:
