News
Լրահոս
News
Ուրբաթ
Դեկտեմբեր 03
Տեսնել լրահոսը

Վարչապետ Նիկոլ Փաշինյանն այսօր տիկնոջ՝ Աննա Հակոբյանի հետ Կարեն Դեմիրճյանի անվան մարզահամերգային համալիրում ներկա է գտնվել Հայոց ցեղասպանության 106-րդ տարելիցին նվիրված «Հիշատակի եռերգության» եզրափակիչ համերգին: Համերգն անցկացվում է ՀՀ վարչապետ Նիկոլ Փաշինյանի հովանու ներքո:

«Հիշատակի եռերգություն» խորագիրը կրող միջոցառումների շարքն ամփոփվել է Տիգրան Մանսուրյանի «Ռեքվիեմ»-ով՝ Հայաստանի պետական սիմֆոնիկ նվագախմբի, Հայաստանի պետական կամերային երգչախմբի և Երևանի պետական կամերային երգչախմբի կատարմամբ: Համերգին ներկա են եղել Հայոց ցեղասպանության 106-րդ տարելիցի կապակցությամբ Հայաստան ժամանած բարձրաստիճան պատվիրակությունների ներկայացուցիչները:

«Հիշատակի եռերգություն»-ն սկսվել է ապրիլի 23-ին՝ ժամը 23:00-ին.  Հայոց ցեղասպանության զոհերի հուշահամալիրում Հայաստանի ազգային ֆիլհարմոնիկ նվագախումբը և Ազգային ակադեմիական երգչախումբը կատարել են Ջուզեպպե Վերդիի «Ռեքվիեմը»: Ապրիլի 23-ի լույս 24-ի գիշերը՝ ուղիղ կեսգիշերին, Կոմիտասի անվան կամերային երաժշտության տանը, Հայաստանի պետական կամերային երգչախմբի և «Հովեր» պետական կամերային երգչախմբի կատարմամբ հնչել է Մոցարտի «Ռեքվիեմը»:

Mediaport թելեգրամյան ալիքն այս առնչությամբ գրում է. «Նիկոլ Փաշինյանի հովանու ներքո կազմակերպված համերգն անցել է կիսադատարկ դահլիճում. ներկա են եղել նրա կառավարության անդամներն ու դիվանագետներ

Պետական պաշտոնյա չհանդիսացող հրավիրյալները չեն ներկայացել:  Սրահի մեծ մասը անվտանգության աշխատակիցներով է զբաղեցվել:

Mediaport-ի աղբյուրի փոխանցմամբ՝ համերգին մասնակցելուց հրաժարված երաժիշտներին կազմակերպիչները խնդրել ու համոզել են չտապալել համերգը, ասել են՝ աշխարհի առաջ խայտառակ է լինելու Հայաստանը, այլ ոչ թե Փաշինյանը, մինչդեռ նրանից երկուսին համոզել չի հաջողվել,  ուստի իշխանությունը ստիպված է եղել փոխարինել նրանց այլ երաժիշտներով»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հայոց ցեղասպանության թանգարան-ինստիտուտի գրադարանը համալրվել է Իսրայել Չարնիի անձնական գրադարանի գրքերով
2011 թ. Իսրայել Չարնին արժանացել էր Հայաստանի Հանրապետության Նախագահի մրցանակի «ի ճանաչումն տասնամյակների ակադեմիական աշխատանքի և ի նպաստ...
Ավստրալիայի կառավարության կողմից Հայոց ցեղասպանության ճանաչումը ժամանակի հարց է. Հայ դատի հանձնախումբ
Պատգամավոր Թրենթ Զիմերմանի առաջ քաշած բանաձևը հորդորում է Ավստրալիայի...
Ավստրալիայի խորհրդարանում կքննարկվի երկրի կողմից Հայոց ցեղասպանության ճանաչման հարցը
Եթե ելույթ ունեցողների մեծ մասը կողմ հանդես գա բանաձևին, ապա...
«Սինոփսիս»-ի նախագահ Չի-Ֆուն Չանը հարգանքի տուրք է մատուցել Ցեղասպանության նահատակների հիշատակին
Չի-Ֆուն Չանը Հայոց ցեղասպանության զոհերի հիշատակը հավերժացնող հուշակոթողի անմար կրակի մոտ մեկ րոպե…
Մեծ Բրիտանիայում առաջին քայլն արվեց Հայոց ցեղասպանության ճանաչման գործում. դեռ շատ անելիք կա. Սասունյան
Ահա ներկայացված թիվ 190 58/2 օրինագծի ամբողջական տեքստը՝ «Հայոց ցեղասպանության ճանաչման մասին օրինագիծը» վերնագրով...
Ուկրաինացի պատգամավորներն այցելել են Ծիծեռնակաբերդի հուշահամալիր
Երեւանում մեկնարկել են Ուկրաինայի հայերի միության միջոցառումները, որոնց մասնակցելու համար Հայաստան է ժամանել Ուկրաինայից ավելի քան 70 հյուր...
Ամենաշատ