News
Լրահոս
News
Շաբաթ
Հունիս 19
Տեսնել լրահոսը

Ջո Բայդենի վարչակազմի եւ Իսրայելի միջեւ տարաձայնություններ են ծագել Գազայում եւ Իսրայելում բռնությունների վերջին սրման շուրջ: Ինչպես հաղորդում է Axios-ը, վկայակոչելով իսրայելցի պաշտոնյաներին, Իսրայելը խնդրել է Սպիտակ տանը չխառնվել:

Սա Իսրայելի եւ պաղեստինցիների միջեւ առաջին խոշոր ճգնաժամն է, որին բախվել է Բայդենի վարչակազմը:

Արեւմտյան ափին եւ Երուսաղեմում գործողությունների համար Թրամփի վարչակազմի կողմից քննադատության քառամյա բացակայությունից հետո Իսրայելի կառավարությունն այժմ կանգնած է ԱՄՆ-ի շատ ավելի քննադատական կառավարության առջեւ:

Բայդենը մինչ այժմ իսրայելա-պաղեստինյան հակամարտությունը դիտում էր որպես շատ ցածր գերակայություն` համեմատած արտաքին քաղաքական այլ հարցերի հետ: Սպիտակ տունը շահագրգռված չէր այս հարցում մեծ քաղաքական կապիտալ կամ ժամանակ ծախսել եւ ցանկանում էր խուսափել պաղեստինյան հակամարտության պատճառով Իսրայելի հետ բախումներից: Բայց հանգստյան օրերին ծագած Երուսաղեմի ճգնաժամը Կոնգրեսի շատ անդամերի դրդեց բարձրաձայնել եւ պահանջել Սպիտակ տան միջամտությունը:

Բայդենի վարչակազմը վերջին օրերին հետեւում էր Երուսաղեմում լարվածությանը եւ իր մտահոգությունն էր հայտնում Իսրայելին՝ ինչպես մասնավոր, այնպես էլ հրապարակային կարգով: Այդ խնդրով հիմնականում զբաղվել է Պետդեպարտամենտը, բայց կիրակի օրը Սպիտակ տունը միջամտեց, երբ ազգային անվտանգության հարցերով խորհրդական Ջեյք Սալիվանը զանգահարեց իր իսրայելցի գործընկեր Մեիր Բեն Շաբբաթին:

Սպիտակ տունը հայտարարեց, որ Սալիվանը մտահոգություն է հայտնել «Ալ-Ակսա» մզկիթում եւ Արեւելյան Երուսաղեմի Շեյխ Ջարրա շրջանում լարվածության կապակցությամբ:

Սպիտակ տան հաղորդագրության մեջ օգտագործված լեզուն բավականին մեղմ եւ չափավոր էր, բայց իսրայելցիները պատասխանեցին հեռախոսային խոսակցության իրենց տարբերակով, ինչը տպավորություն ստեղծեց, որ խոսակցությունը շատ ավելի բարդ է եղել:

Իսրայելցի պաշտոնյաները հայտարարել են, որ Բեն Շաբբաթը Սալիվանին ասել է, թե Իսրայելը կարծում է, որ Բայդենի վարչակազմը եւ միջազգային հանրությունը պետք է հեռու մնան Երուսաղեմի ճգնաժամից եւ խուսափեն Իսրայելի վրա ճնշում գործադրելուց: Նա Սալիվանին ասել է, որ «միջազգային միջամտությունը պարգեւ է պաղեստինցի խռովարարներին եւ նրանց աջակցողներին»:

Իսրայելցի պաշտոնյայի խոսքով՝ Բեն Շաբբաթը Սալիվանին ասել է, որ Իսրայելը Երուսաղեմում իրադարձությունները դիտում է «ինքնիշխանության եւ պատասխանատվության տեսանկյունից՝ անկախ պաղեստինյան սադրանքներից»:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Իսրայելը պատրաստ է աշխատել Հարավարեւելյան Ասիայի երկրների հետ կապեր հաստատելու համար
Իսրայելը պատրաստ է աշխատել Հարավարեւելյան Ասիայի երկրների հետ կապեր հաստատելու համար՝ չնայած նրան, որ այդ երկրները
Իսրայելի ՌՕՈւ-ն հարվածներ է հասցրել «ՀԱՄԱՍ»-ի թիրախներին Գազայի հատվածում
Իսրայելի պաշտպանության ուժերը հաստատել են հարվածների մասին տեղեկությունները...
Լիբանանյան ճգնաժամը աշխարհում վատագույններից մեկն է 1850-ականներից ի վեր
Տնտեսական եւ ֆինանսական ճգնաժամը, ամենայն հավանականությամբ, կհայտնվի աշխարհում տասնիններորդ դարի կեսերից ի վեր ամենալուրջ ճգնաժամերի տասնյակում, հնարավոր է՝ եռյակում․․․
ՄԱԿ. Իսրայելական ուժերը կարող էին ռազմական հանցագործություններ կատարել ՀԱՄԱՍ-ի դեմ 11-օրյա պատերազմի ընթացքում
Նրա խոսքով՝ հակամարտության ընթացքում ՀԱՄԱՍ-ի դեմ անխտիր հրթիռային հարձակումները նույնպես պատերազմի կանոնների ակնհայտ խախտում են․․․
Ասադը տիկնոջ հետ Դամասկոսի մոտ գտնվող Դումա քաղաքում քվեարկել է Սիրիայի նախագահի ընտրություններում
Սիրիայի նախագահը մասնակցել է երկրի նախագահի ընտրության քվեարկությանը...
Սիրիայում մեկնարկել են նախագահական ընտրությունները
Լրագրողներն ամբողջ աշխարհից եւ տարբեր երկրներից հրավիրված դիտորդները կկարողանան հետեւել ընտրություններին ամբողջ օրվա ընթացքում...