Իտալական թագավորական ընտանիքում սերնդեսերունդ փոխանցված տիարան Շվեյցարիայում կայացած աճուրդում վաճառվել է 1.66 միլիոն դոլարով, հաղորդում է Reuters-ը:
19-րդ դարի երկրորդ կեսերով թվագրվող տիարան Մարիա Վիտտորիային 1867 թվականին մատուցված հարսանեկան նվերն էր:
Տիարան զարդարված է ադամանդներով եւ բնական մարգարիտներով, դրա մոտավոր գինը 1-ից 1.5 միլիոն դոլար է:
«Այսօր գրանցված գինը վկայում է ոչ միայն այն բացառիկ վարպետության եւ նյութերի որակի մասին, որոնք տիարան իսկական արվեստի գործ են դարձնում, այլ նաեւ՝ դրա պատմական նշանակության»,- ասում է Sotheby's Magnificent Jewels աճուրդի ղեկավար Բենուա Ռեպելենը:
