Միջազգային քրեական դատարանը (ՄՔԴ) մտահոգված է Արեւմտյան ափին բռնության աճով եւ այնտեղ ռազմական հանցագործությունների հավանականությամբ, հայտարարել է ՄՔԴ դատախազ Ֆաթու Բենսուդան:
«Ես մեծ մտահոգությամբ եմ նշում Արեւմտյան ափին, ներառյալ Արեւելյան Երուսաղեմում, ինչպես նաեւ Գազայում եւ նրա մերձակայքում բռնությունների աճը, եւ հանցագործությունների հնարավոր կատարումը Հռոմի կանոնադրության համաձայն»,- գրել է Բենսուդան Twitter-ում:
Իսրայելի եւ Համասի միջեւ մարտերը չորեքշաբթի օրը թեժացել են՝ վերջին տարիների ամենաուժեղ օդային փոխհրաձգությունների հետեւանքով Գազայում զոհվել է առնվազն 35 մարդ, իսկ Իսրայելում՝ 5 մարդ:
Մարտին ՄՔԴ դատախազը հայտարարել էր Պաղեստինի տարածքներում հնարավոր ռազմական հանցագործությունների գործով հետաքննության մասին:
Բենսուդան, որին հունիսի 16-ից կփոխարինի բրիտանացի դատախազ Քարիմ Խանը, 2019-ի դեկտեմբերին հայտարարել էր, որ պատերազմական հանցագործություններ են եղել կամ կատարվել Արեւմտյան ափին եւ Գազայի հատվածում: Որպես հնարավոր մեղավորներ՝ նա անվանել է ինչպես Իսրայելի պաշտպանության ուժերը, այնպես էլ Պաղեստինյան զինված խմբավորումները, ինչպիսին է ՀԱՄԱՍ-ը:
«Իմ գրասենյակը կշարունակի հետեւել տեղական զարգացումներին եւ հաշվի կառնի իր իրավասությանը վերաբերող ցանկացած հարց»,- չորեքշաբթի ասել է Բենսուդան:
2002թ. Հռոմի կանոնադրությամբ հաստատված ՄՔԴ-ը պատերազմի, մարդկության դեմ ուղղված հանցագործությունների եւ ցեղասպանության հետապնդման համար վերջին ատյանի դատարանն է, երբ երկիրը չի կարող կամ չի ցանկանում դա անել:
Պաղեստինի տարածքներում հնարավոր ռազմական հանցագործությունների վերաբերյալ նրա հետաքննությունը կտրականապես դեմ է ինչպես Իսրայելին, այնպես էլ ԱՄՆ-ին:
