Huawei P50 սմարթֆոնը կստանա բոլորովին այլ դիզայն, որը նման չէ իր նախորդին: Չինական ընկերության առաջատարի մասին տեղեկատվության արտահոսքը կազմակերպել է @ RODENT950 ինսայդերը, որը արդյունքները հրապարակել է Twitter-ում, փոխանցում է «ՌԻԱ Նովոստին»:
Տարբերակիչ առանձնահատկություն կլինեն սմարթֆոնի հետեւում երկու հսկայական շրջանակները: Դրանց մեջ տեսախցիկի սենսորներն են, որոնցից Huawei P50-ը, դատելով շշուկներից 4 հատ ունի: Հիմնական սենսորը տեղադրված է ներքեւի օղակում, ինչը ակնարկում է դրա հսկայական ֆիզիկական չափի մասին. Մոդելին են վերագրում Sony IMX 800 մեկ դյույմանոց սենսորը:
Huawei P50-ը կստանա 6,3 դյույմանոց էկրան, 5G աջակցություն եւ չինական ընկերության սեփական դիզայնի առաջատար պրոցեսոր: Հնարավոր է՝ սմարթֆոնը հասանելի լինի երկու տարբերակով` Android օպերացիոն համակարգով եւ Harmony-ով:
Huawei P50 սմարթֆոնների ընտանիքի շնորհանդեսը սպասվում է մայիս-հունիս ամիսներին, այս տարի ընկերությունը խախտել է առաջատարների թարմացման ցիկլը: