News
Լրահոս
News
Երեքշաբթի
Մարտ 19
Տեսնել լրահոսը

Ադրբեջանի ԱԳՆ-ն համարում է, որ Երեւանի արձագանքը «հայ-ադրբեջանական սահմանները համաձայնացնելու» գործընթացների վերաբերյալ «ադեկվատ չէ»:

«2020 թվականի նոյեմբերի 10-ին ստորագրված եռակողմ հայտարարության համաձայն՝ Քարվաճառի եւ Լաչինի շրջաններում, որոնք սահմանակից են Հայաստանի հետ, ընթանում է Ադրբեջանի սահմանային ուժերի տեղակայումը: Այդ գործընթացը կրում է սովորական բնույթ եւ իրականացվում համակարգային կերպով: Ադրբեջանն ու Հայաստանը որոշում են սահմանագիծն ու այդ գործընթացն իրականացվում է կողմերի ունեցած քարտեզների հիման վրա: Հաշվի առնելով, որ անկախացումից հետո երկու երկրները հայտնի պատճառներով չեն ունեցել լիարժեք պետական սահման, ապա կողմերը, բնականաբար, կարող են ունենալ տարբեր կարծիք տեխնիկական գործընթացների վերաբերյալ: Ուստի զարմացնում է այդ գործընթացի շուրջ հայկական կողմի ոչ ադեկվատ արձագանքը, ինչպես նաեւ նրա կողմից արված սադրիչ հայտարարությունները: Անընդունելի ենք համարում այդ գործընթացի օգտագործումը Հայաստանում պաշտոնական անձանց կողմից նախընտրական ներքաղաքական նպատակներով»,-հայտարարել են Ադրբեջանի ԱԳՆ-ում:

Կառույցը նշում է, որ մայիսի 12-ին Ադրբեջանի Պետական սահմանային ծառայության ղեկավարը գործուղվել է տարածաշրջան. ներկայում սահմանայինների միջեւ ընթանում են բանակցություններ եւ ձեռնարկվում են իրավիճակը կարգավորելու միջոցներ:

Հիշեցնենք, որ երեկ՝ մայիսի 12-ի առավոտյան Ադրբեջանի զինված ուժերը Սյունիքի մարզի «Սեւ լիճ» տեղանքում եւ հարակից տարածքում հատել են Հայաստանի Հանրապետության պետական սահմանը եւ խորացել մինչեւ 3,5 կիլոմետր։ Այս պահին էլ բանակցություններ են ընթանում։ Նրանք չեն ցանկանում հեռանալ՝ նպատակ ունենալով գրավել Մեծ Իսխանասար կարեւոր բարձունքը (3500 մետր): Այդ բարձունքն ամբողջավին վերահսկում է Սիսիանի օդանավակայանն ու Գորիսից դեպի Սարավան տանող մայրուղին, որը տանում է նաեւ դեպի Կապան:

Հայաստանի պաշտպանության նախարարությունից հայտնել են, որ մայիսի 13-ին Ադրբեջանի ԶՈՒ-ն դարձյալ փորձել է առաջխաղացում գրանցել Սիսիանի եւ Վարդենիսի ուղղությամբ «սահմանները ճշտելու» պատճառաբանությամբ:

Նույն օրը կառավարության ղեկավարի պաշտոնակատարը հանձնարարել է ԱԳՆ պաշտոնակատարին, ՊՆ-ին եւ ԱԽ-ին նախաձեռնել խորհրդակցություններ ՀԱՊԿ շրջանակում Հայաստանի Սյունիքի մարզում իրավիճակի հարցով:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Չի բացառվում, որ Ռուսաստանը մեր տարածաշրջանից դուրս գա. քաղաքագետ
Մեր անվտանգության երաշխիքը մեր մեջ է ու սա քաղաքագիտական օրենք է...
Արդյո՞ք ԱՄՆ-ը պետք է անհանգստանա Հարավային Կովկասում տեղի ունեցող իրադարձություններով. Just Security
Զենքի արտահանումը Հայաստան կարող է ներառել անօդաչու սարքերի դեմ պայքարելու...
Հիմա Դուք ո՞ւմ կողմից եք՝ ՀԱՊԿ-ի թե Հայաստանի. Միրզոյանը՝ Ռուստամյանին
Ես ԱԺ-ի կողմից եմ այստեղ: Խորհրդարանական երկրում, երբ ծրագիր է ընդունվում, ապա Կառավարությունը պարտավոր է իրականացնել այդ ծրագիրը...
Երևանը չի հասկանում՝ ինչպես են ՀԱՊԿ գործընկերները ներկայացնում Հվ. Կովկասում իրենց պատասխանատվության տարածքը. Միրզոյան 
Նախարարի խոսքով՝ հայկական կողմը գործադրել է հնարավոր բոլոր ջանքերը, որպեսզի գա նվազագույն ընդունելի ձեւակերպման, որով կարող է դիմել կազմակերպությանը....
Սյունիքի հարցում Հայաստանը պետք է գործարքի գնա Ռուսաստանի և Իրանի հետ․ Արսեն Գասպարյան
Ռուսաստանի և ՆԱՏՕ-ի միջև պատերազմը, որը մղվում է Ուկրաինայում, կարող է պրոյեկտվել Կովկասում, և եթե մենք այս խաղը ճիշտ չխաղանք, կարող են լուրջ հետևանքներ լինել...
Թե՛ անվտանգության և թե՛ տնտեսական զարգացման առումով ամենաարդյունավետ ուղղությունը ԵՄ ինտեգրումն է. «Ազատ դեմոկրատներ»
Ազատ Դեմոկրատներ կուսակցությունը ողջունում է Եվրոպական խորհրդարանի կողմից ընդունված բանաձևը…
Ամենաշատ