News
Լրահոս
News
Շաբաթ
Հունիս 12
Տեսնել լրահոսը


Վարդենիսում ադրբեջանցիները շարունակում են մնալ այն դիրքերում, որտեղ արդեն դիրքավորվել են. ինչպես Սյունիքում, այնպես էլ Գեղարքունիքում ադրբեջանցիներն առաջ են եկել առացն կրակոցի, առանց զինված հարձակման: Ու մենք դեռ որեւէ գործողություն չենք իրականացնում: Այս մասին, այսօր՝ մայիսի 14-ին, ԱԺ-ում լրագրողների հետ զրույցում նշեց ԱԺ պատգամավոր Թագուհի Թովմասյանը:

«Ես դեռ երկու շաբաթ առաջ վարչապետից հետաքրքրվեցի սահմանների կահավորման մասին, եւ ասացի, որ չի արվում որեւէ աշխատանք, մենք չունենք խրամատներ, չունենք կահավորված առաջնագիծ, մենք անվտանգ միջավայր չունենք: Փոխարենը ստացա ագրեսիվ պատասխան, հետո ֆեյքային ու ոչ ֆեյքային հարձակումներ, թե ես ադրբեջանական ուժերին տեղեկություններ եմ ուզում հաղորդել իմ հարցով:

Ով եղել է առաջնագծում, գիտի, որ ադրբեջանական զինուժը մի քանի մետր հեռավորության վրա է գտնվում Հայաստանի զինված ուժերի ներկայացուցիչներից: Նրանք իրենց աչքով տեսնում են, թե ինչ է կատարվում Հայաստանի սահմանին: Նրանք տեսնում են՝ մենք ունենք խրամատ, թե չունենք, որտեղ ենք քնում, արթնանում, ամեն բան տեսանելի է: Եվ երբ հարց է բարձրաձայնվում, փոխանակ հետեւություններ արվեն, ծաղրանքի միջոցով փորձ արվեց անլրջացնել հարցը: Հիմա ես ուզում եմ այդ հարցը նորից բարձրաձայնել՝ ինչպե՞ս է ստացվել, որ թշնամին մտել է Հայաստանի տարածք, ինչու չենք կարողացել պաշտպանվել»,-ասաց նա:

Պատգամավորն անդրադարձավ ԱԽ քարտուղար Արմեն Գրիգորյանի երեկվա հայտարարություններին, ըստ որի չեն կարող միանգամից ամբողջ առաջնագիծը կահավորել, կամաց-կամաց էին անում, եւ ադրբեջանցիները կարողացել են ներս մտնել այն հատվածներում, որտեղ կահավորված չի եղել:

«Բա իմ հարցն էլ էր այդ մասին: Վարչապետն ասում ՝ ոչինչ կանենք, բայց ե՞րբ կանեք, մտել են մեր տուն: Իրենք հիմա Վարդենիսի տակ են, եթե էլի առաջ գան, ես չգիտեմ՝ ինչ կարող է լինել, իսկ իրենք հանդգնություն ունեն առաջ գալու, եւ որեւէ դիմադրության չեն հանդիպում»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Երբ դասալիքները մեղադրում են Սամվել Բաբայանին դավաճանության մեջ, հարց է ծագում` որտեղ էին բախտորոշ ժամին. Գագիկ Բաղունց
Զարմանում եմ, երբ պատերազմը երևանյան իրենց բնակարաններում անցկացրած ընդդիմադիր գործընկերները ինձ` «Միասնական հայրենիք» կուսակցության...
Փաշինյանը հայտարարեց Ադրբեջանից Հայաստան վերադարձող ռազմագերիների անունները
Գեղարքունիքի մարզում «Քաղաքացիական պայմանագիր» կուսակցության…
Նիկոլ Փաշինյանը լուսանկար է հրապարակել վերադարձող գերիներից (ֆոտո)
Մեր 15 եղբայրները վերադառնում են…
Բաքուն հայտնում է, որ 15 հայ գերի են տվել Աղդամի ականապատ տարածքների քարտեզի դիմաց
Հայ գերիների վերադարձի գործընթացը տեղի է ունեցել վրաց պաշտոնյաների մասնակցությամբ…
Քննարկվել են պատերազմի հետևանքով քաղպաշպանության ոլորտում առաջացած խնդիրները
Քննարկվել են 2020 թվականի պատերազմի հետևանքով քաղպաշպանության ոլորտում առաջացած խնդիրներն ու դրանց լուծման ուղղությամբ ընթացիկ ու նախատեսվող աշխատանքները...
Հադրութի շրջանում այսօր իրականցված որոնումների արդյունքում հայտնաբերվել է ևս 8 աճյուն
Նրանց ինքնությունը կհաստատվի դատաբժշկական փորձաքննությունից հետո...
Ամենաշատ
Ֆոտոռեպորտաժներ