News
Լրահոս
News
Շաբաթ
Հունիս 19
Տեսնել լրահոսը

Թեհրանը բացառում է Իրանի միջուկային ծրագրի վերաբերյալ Գործողությունների համատեղ համապարփակ ծրագրի (ԳՀՀԾ) իրագործումը վերսկսող որեւէ նախնական համաձայնագրի կնքման հնարավորությունը Վիեննայում ընթացող բանակցություններում։ Այս մասին երկուշաբթի հայտարարել է Իրանի արտաքին քաղաքական գերատեսչության պաշտոնական ներկայացուցիչ Սաիդ Խաթիբզադեն, տեղեկացնում է ՏԱՍՍ-ը։

«Վիեննայի բանակցություններից ԳՀՀԾ վերականգնման ոչ մի նախնական համաձայնագիր դուրս չի գա»,- նշել է Խաթիբզադեն, որի խոսքերը մեջբերել է իրանական Tasnim գործակալությունը։ Իսլամական հանրապետության ԱԳՆ պաշտոնական ներկայացուցիչը հավելել է, որ «ոչ մի համաձայնագիր չի կնքվի, եթե չկատարվեն (Թեհրանի) բոլոր պայմանները»։

Խաթիբզադեն հավաստել է, որՎիեննայում «երեք առանձին աշխատանքային խմբեր դեռեւս զբաղվում են համապատասխան հարցերով»։ Նրա խոսքով՝ «չլուծված խնդիրների մի զգալի տոկոս արդեն դիտարկվել է այդ խմբերում, բայց որոշ հարցեր քաղաքական լուծումներ են պահանջում»։

Վիեննայում տեղի են ունենում բանակցություններ ԱՄՆ-ին եւ Իրանին ԳՀՀԾ վերադարձնելու շուրջ։ ԱՄՆ նախորդ նախագահ Դոնալդ Թրամփը 2018թ. որոշում էր ընդունել միջուկային գործարքից դուրս գալու մասին։ ԳՀՀԾ-ն Իրանի հետ ստորագրվել է ՄԱԿ Անվտանգության խորհրդի հինգ մշտական անդամների եւ Գերմանիայի կողմից 2015թ.՝ իսլամական հանրապետության միջուկային մշակումների շուրջ ճգնաժամի կարգավորման նպատակով։

ԱՄՆ ներկայիս նախագահ Ջո Բայդենը քանիցս ազդարարել է ԱՄՆ-ը ԳՀՀԾ վերադարձնելու պատրաստակամության մասին։ Իրանի նախագահ Հասան Ռոհանին մարտի 2-ին Ֆրանսիայի իր պաշտոնակցի՝ Էմանուել Մակրոնի հետ հեռախոսազրույցում նախազգուշացրել էր, որ ԳՀՀԾ-ն պահպանելու միակ միջոցը Թեհրանի դեմ Վաշինգտոնի պատժամիջոցների չեղարկումն է։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Իրանը միջամտությունը միջուկային եւ հրթիռային իր ծրագրերին անընդունելի է անվանել
Իրանի ԱԳՆ ներկայացուցիչը նաեւ հույս է հայտնել, որ Խորհրդի երկրները հնացած հայտարարություններ անելու փոխարեն ուշադրություն կդարձնեն տարածաշրջանի իրողություններին...
ԱԷՄԳ. Իրանի միջուկային համաձայնագիրը թարմացնելու համար անհրաժեշտ է սպասել ԻԻՀ նոր կառավարության ձեւավորմանը
Բոլորը գիտեն, որ այս փուլում անհրաժեշտ է սպասել Իրանի նոր կառավարությանը․․․
Իրանի ԱԳՆ-ն ՆԱՏՕ-ին եւ G7-ին կոչ է արել հետեւել միջազգային իրավունքին եւ դասախոսություն չկարդալ մյուսներին
ԱՄՆ նախագահ Ջո Բայդենը եւ G7-ի մյուս ղեկավարներն Իրանին կոչ էին արել «դադարեցնել բալիստիկ հրթիռների հետ կապված բոլոր գործողությունները»...
Ռոհանի. Ամբողջ աշխարհը պետք է իմանա Իրանի դեմ Թրամփի հանցագործությունների մասին
Նրա խոսքով՝ 2013-ին իր պաշտոնը ստանձնելուց հետո մի քանի տարի շարունակ տնտեսությունը լավ էր զարգանում․․․
ԱԷՄԳ-ի ղեկավարը անհրաժեշտ է համարում Իրանի հետ միջուկային գործարքի կնքումը, այլապես «մենք կուրորեն կգործենք»
Նա մտահոգություն է հայտնել ուրանի արագացված հարստացման կապակցությամբ․․․
Իրանի պատվիրակությունը վերադարձավ Վիեննա՝ շարունակելու միջուկային գործարքի բանակցությունները
Աբաս Արաքչին շաբաթ մեկնել է Վիեննա...