ՌԴ արտգործնախարար Սերգեյ Լավրովը հայտնել է, որ ՀԱՊԿ արտգործնախարարները նախօրեին քննարկել են Հայաստանի խնդրանքը Սյունիքի մարզում տիրող իրավիճակի վերաբերյալ, հաղորդում է «ՌԻԱ Նովոստի»-ն:
«Նաեւ ուզում եմ ասել, որ երեկ մենք արդեն ոչ ֆորմալ ռեժիմով սկսել ենք ՀԱՊԿ արտգործնախարարների աշխատանքը»,- չորեքշաբթի Դուշանբեում իր տաջիկ գործընկերոջ հետ մամուլի ասուլիսին ասել է Լավրովը:
«Եվ երեկ երեկոյան կազմակերպված հանդիպման ժամանակ մենք քննարկեցինք մեր հայ գործընկերների խնդրանքը: Այդ խնդրանքին համապատասխան, մենք քննարկել ենք իրավիճակը Երեւանի եւ Բաքվի միջեւ հարաբերություններում»,- հավելել է նա: