Ինչ է կատարավում ԱԳՆ-ում, ինչու է ղեկավար կազմն ամբողջությամբ հրաժարական տվել ու ինչու չի բավարարվել միայն փոխնախարար Արմեն Ղևոնդյանի դիմումը:
Այսօր՝ հունիսի 10-ին, կառավարության շենքի մոտ լրագրողների հետ զրույցում փոխվարչապետի պաշտոնակատար Տիգրան Ավինյանը լուռ լսեց, հետո հայտարարեց, որ բոլոր հարցերի պատասխանները ժամանակին կհնչեն:
Ավինյանը չհամաձայնեց դիտարկմանը, որ ԱԳՆ-ում անիշխանություն է, կառույցն անգործունակ է դարձել հրաժարականների արդյունքում:
Հարցին, թե ինչու Արմեն Ղևոնդյանի հրաժարականի դիմումը չի բավարարվել, Ավինյանն ասաց, որ չի կարող ԱԳՆ-ն մնալ առանց որևէ պաշտոնակատարի:
