Google-ը պնդում է, որ ստեղծել է արհեստական ինտելեկտի համար ծրագրային ապահովում, որը կարող է ծրագրավորել չիպերն ավելի արագ, քան մարդիկ:
Չիպը, որը ծրագրավորելու համար մարդկանց ամիսներ է անհրաժեշտ, կարող է ստեղծվել դրա նոր ԱԻ-ի միջոցով շուրջ վեց ժամում: Google-ի պնդմամբ՝ ԱԻ-ն արդեն կիրառվել է Google-ի տենզորային պրոցեսորի միկրոսխեմաների վերջին տարբերակը ծրագրավորելու համար:
«Մեր մեթոդը կիրառվել է Google TPU-ի հաջորդ սերունդը ծրագրավորելու համար գործընթացում»,-գրել են Google համակարգերի համար մեքենայական ուսուցման բաժնի ղեկավար Ազալիա Միրոսեյնիի գլխավորությամբ հոդվածի հեղինակները: Այլ խոսքով՝ Google-ն օգտագործում է ԱԻ-ն միկրոսխեմաներ ծրագրավորելու համար, որոնք կարելի է օգտագործել է՛լ ավելի բարդ ԱԻ համակարգեր ստեղծելու համար:
Մասնավորապես, Google-ի նոր արհեստական ինտելեկտը կարող է կազմել միկրոսխեմայի «հարկի ծրագիրը»: Ըստ էության՝ դա ներառում է այն արտացոլումը, թե որտեղ են բաղադրիչները տեղակայվում սիլիկոնյան կրիստալում մեկը մյուսի նկատմամբ:
Համակարգը կարող է իրականացնել որոշակի գործողություններ համեմատաբար փոքր ջանքերով ծրագրերն իրագործելու հնարավորություններն առավելագույնի հասցնելու համար:
Այդպիսի համակարգերը կարող են օգնել մարդկանց բարդ խաղերում, ինչպես գոն եւ շախմատը: Այդ սցենարներում ալգորիթմներին սովորեցնում են տեղափոխել տարրերը, ինչը մեծացնում է նրանց շանսը խաղում հաղթելու, սակայն չիպի սցենարում ԱԻ-ն սովորում է գտնել բաղադրիչների լավագույն համադրությունը, որպեսզի հաշվարկային տեսակետից այն առավելագույնս արդյունավետ դարձնի:
