Սյունիքի դարպասների մոտ մեծ թվով տղամարդիկ սպասում են ՀՀ վարչապետի պաշտոնակատար, «Քաղաքացիական պայմանագիր» կուսակցության ցուցակը գլխավորող Նիկոլ Փաշինյանին:
Այստեղ է նաեւ Սյունիքի մարզպետ Մելիքսեթ Պողոսյանը: Վերջինս հրաժարվեց պատասխանել NEWS.am-ի թղթակցի հարցերին՝ նշելով, որ հարցազրույց չի տալիս:
Հարցին, թե տեղեկություններ կան, որ պետական կառույցների աշխատողների նկատմամբ ճնշումներ են եղել, որպեսզի նրանք մասնակցեն Նիկոլ Փաշինյանի հետ հանդիպմանը, մարզպետն ասաց, որ նման բան չկա, իսկ հավաքվածներից մեկն էլ հավելեց. «Այստեղ պետական կառույցներից մարդ չկա»:
Ավելի վաղ NEWS.am_ը հայտնել էր, որ վաղ առավոտյան մեծ թվով ոստիկանական ուժեր են ուղեւորվել Սյունիքի մարզ:
