Ոսկու արժեքը երեքշաբթի առավոտյան թույլ նվազում է՝ ընդհանուր առմամբ գտնվելով նախորդ սակարկման մակարդակին, ներդրողները կտրուկ շարժումներ չեն անում՝ սպասելով ԱՄՆ Դաշնային պահուստային համակարգի (ԴՊՀ) երկօրյա նիստին, վկայում են սակարկությունների տվյալները։

Ոսկու օգոստոսյան ֆյուչերսները նվազում են Նյու Յորքի Comex բորսայում 0,02 տոկոսով կամ 0,35 դոլարով՝ մինչեւ մեկ տրոյական ունցիան 1865,45 դոլար։ Արծաթի հուլիսյան ֆյուչերսը էժանանում է 0,98 տոկոսով՝ մինչեւ մեկ ունցիան 27,775 դոլար։