News
Լրահոս
News
Երեքշաբթի
Սեպտեմբեր 21
Տեսնել լրահոսը

Եթե մենք անկանում ենք երկարատեւ խաղաղություն, ապա պետք է որոշումներ ընդունենք, որոնք շատ անարդարացի չեն լինի։ Այս մասին հայտարարեց Հայաստանի երկրորդ նախագահ, «Հայաստան» դաշինքի առաջնորդ, ՀՀ վարչապետի թեկնածու Ռոբերտ Քոչարյանը ռուսական լրատվամիջոցներին տված հարցազրույցում։

«Ինձ թվում է, որ, այնուամենայնիվ, բանակցություններով կարելի է գալ համաձայնության ԼՂԻՄ նախկին տարածքի, սահմանների վերաբերյալ։ Այստեղ մենք բավական ուժեղ փաստարկում ունենք, այն ազգի ինքնորոշման իրավունքի հետ է կապված։ Տեսնում եմ որոշակի հեռանկարներ բանակցությունների համար։ Ի՞նչ ձեւաչափով կարող են լինել բանակցությունները. առայժմ դա ԵԱՀԿ Մինսկի խմբի ձեւաչափն է։ Իրադարձությունները հանգեցրին այն բանին, որ Ռուսաստանի դերն ավելի գերակշռող է դարձել, եւ այն զբաղեցնում է առաջատար դիրքեր Մինսկի խմբի շրջանակում»,- նշեց նախկին նախագահը։

Հարցին, թե կար հնարավորություն ավելի շուտ դադարեցնելու պատերազմը, Քոչարյանը պատասխանեց. «Անկասկած։ Նախ՝ կար այն տանուլ չտալու բացարձակ հնարավորությունը, պետք էր այն կանգնեցնել։ Եվ նման հնարավորություններ կային։ Սա պարզապես անտաղանդ կառավարում է։ Կար Ռուսաստանի նախագահի նախաձեռնությունը՝ կանգնեցնելու պատերազմը։ Եթե չեմ սխալվում, հոկտեմբերի 19-ին։ Հայկական կողմը միանգամայն անհասկանալի պատճառներով մերժեց այդ առաջարկը՝ դա բացատրելով նրանով, որ իրեն (Փաշինյանին) ճիշտ չեն հասկանա եւ դավաճան կանվանեն։ Ավելի շատ կորցրինք, քան եթե համաձայնեինք այդ պահին։ Իսկ դավաճան, միեւնույն է, անվանում են»։

Նախկին նախագահը չի կարծում, թե Հայաստանի կողմից Ղարաբաղի անկախության հնարավոր ճանաչումը պատերազմի ժամանակ շոշափելի հետեւանքներ կունենար. «Իսկ ի՞նչ կփոխեր ճանաչումը պատերազմի ժամանակ։ Պետք էր կռվել, պետք էր պահել ճակատը, այլ ոչ թե նահանջել եւ հերթով հանձնել ամեն ինչ։ Չեմ կարծում, թե դա ինչ-որ բան կփոխեր։ Մենք չէինք ընդունում ԼՂՀ անկախությունը, որպեսզի պատերազմ չսադրենք։ Իսկ գործող իշխանությունը խնդիրը ինքնորոշման հարթությունից տեղափոխեց Ադրբեջանի տարածքային ամբողջականության հարթություն։ Գիտակցաբա՞ր, թե՞ հիմարության պատճառով՝ մանրամասների մեջ չեմ խորանա։ Բայց դա արվեց, եւ դա լեգիտիմացրեց Ադրբեջանի ռազմական կամպանիան։ Իբր, մենք վերականգնում ենք մեր տարածքային ամբողջականությունը։ Եվ ոչ մի երկիր չդատապարտեց ռազմական գործողություններ սկսելը»։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հադրութում այսօր զինծառայողի աճյուն կամ մասունք չի հայտնաբերվել
Զինադադարից հետո Արցախի գրավյալ տարածքներից մինչ օրս հայտնաբերվել...
Իրանական բեռնատարների դժվարին երթուղին Հայաստանում` ադրբեջանական հենակետերի շրջանցմամբ
Մինչ տասնյակ բեռնատարներ բարձրանում են զառիվեր լանջով, նույն թվով բեռնատարներ կուտակվել են լեռան տակ՝ Սատանի...
«Տարբեր տրամաչափի զենքերից են հնչել կրակոցները». Կութ գյուղում կրկին կրակոցներ են հնչել
Այնքան շատ են հնչում կրակոցները, որ…
«ՆՓ-ն սանձազերծված ագրեսիան որակում էր ադրբեջանաթուրքական ահաբեկչություն, հետաքրքիր է՝ ինչ փոխվեց». Սաղաթելյան
Երեկ թշնամական Թուրքիայի ղեկավարից տեղեկացանք, որ Հայաստանի վարչապետի պաշտոնը զբաղեցնող անձը միջնորդավորված կերպով նրանից...
Մի շարք զինծառայողներ պարգևատրվել են Անկախության 30 ամյակի առիթով
Մեդալները հանձնել է Արարատի մարզպետի տեղակալ Գևորգ Սիմոնյանը…
Հույս ունենք՝ Գորիսի այլընտրանքային ճանապարհը հնարավորինս շուտ կկառուցվի. Հայաստանում Իրանի դեսպան
Ղարաբաղյան 44-օրյա պատերազմից հետո ձեռք է բերվել եռակողմ խաղաղության համաձայնություն՝ Հայաստանի, Ադրբեջանի ու Ռուսաստանի միջև։ Դրանից հետո…
Ֆոտոռեպորտաժներ