Եթե զինվորը պատիվ է տալիս դասալքության համար դատապարտված պատգամավորին, պատերազմում պարտությունն անխուսափելի է: Այս մասին Գավառի բնակիչների հետ հանդիպման ժամանակ հայտարարեց ՀՀ երկրորդ նախագահ, վարչապետի թեկնածու, «Հայաստան» դաշինքի առաջնորդ Ռոբերտ Քոչարյանը:
«Նրանց ազդեցության լծակները շատ են: Այդ թվում նաեւ Հանրային հեռուստատեսության վրա: Եկեք ճիշտը խոսենք: Երբեք նման բան չի եղել, որ Հանրայինը վնաս հասցնի ազգային արժեքներին»,-ասաց Քոչարյանը:
Վերադառնալով ազդեցության լծակների թեմային՝ նախկին նախագահը նշեց որոշ «ժողովրդի ընտրյալների» պահվածքը. «Ես երբ տեսա դա հեռուստացույցով, քիչ էր մնում ընկնեի աթոռից: Դասալքության համար դատապարտվածին ողջունում են զորամասում, զեկուցում: Իհարկե, կպարտվեիքն, ի՞նչ էիք ուզում»,-ասաց Քոչարյանը:
Չնայած նրան, որ նա չնշեց պատգամավորի անունը, ենթադրվում է, որ խոսքն Արման Բաբաջանյանի մասին է, ով դատվածություն ունի բանակում ծառայությունից խուսափելու եւ փաստաթղթեր կեղծելու համար: