News
Լրահոս
News
Երկուշաբթի
Հուլիս 26
Տեսնել լրահոսը

Իսրայելը ԱՄՆ պաշտոնյաների հետ բարձր մակարդակի հանդիպումների ժամանակ փորձել է ազդել Իրանի հետ միջուկային գործարքի հանդեպ Բայդենի վարչակազմի մոտեցման վրա, հաղորդում է Axios-ը՝ վկայակոչելով իսրայելցի պաշտոնյաներին:

Նախկին վարչապետ Բենիամին Նեթանյահուի օրոք Իսրայելը գործարքի շուրջ չէր համագործակցում Բայդենի վարչակազմի հետ, բացի այն, որ կտրուկ դեմ էր դրան: Վարչապետ Նաֆթալի Բենեթը եւ նրա նոր կառավարությունը նույնպես դեմ են գործարքին, բայց փորձում են ԱՄՆ-ի հետ փոխգործակցել այս հարցի շուրջ:

«Բենեթը եւ Լապիդը միջուկային գործարքի հարցում համաձայն չեն Բայդենի վարչակազմի հետ: Բայց ի տարբերություն Նեթանյահուի, որը միանգամից մերժել էր այն եւ հրաժարվել, նոր կառավարությունը ցանկանում է փորձել ազդել արդյունքի վրա եւ մանրամասներ է քննարկում Բայդենի վարչակազմի հետ»,- ասել է իսրայելցի բարձրաստիճան պաշտոնյան:

Նեթանյահուն իսրայելական բոլոր պաշտոնյաներին հրահանգել էր հրաժարվել իրենց ամերիկացի գործընկերների հետ գործարքի մանրամասներն ու դրա շուրջ բանակցությունները քննարկելուց:

Իսրայելցի շատ պաշտոնյաներ պնդում են, որ Օբամայի եւ Բայդենի վարչակազմերի հանդեպ Նեթանյահուի վարած քաղաքականությունը եւ հանրային քննադատությունը միայն մեկուսացնում էին Իսրայելին եւ բանակցությունների վրա ազդելու հնարավորություն չէին տալիս:

Իսրայելի նոր մոտեցումը ի հայտ է եկել կրիտիկական պահի: Իրանի հետ վեց փուլ անուղղակի բանակցություններից հետո, Բայդենի վարչակազմը հույս ունի, որ գործարքին վերադարձ տեղի կունենա ընդամենը մի քանի շաբաթ անց:

Իսրայելի Պաշտպանության ուժերի շտաբի պետ, գեներալ Ավիվ Կոխավին Սպիտակ տանը հանդիպել է ազգային անվտանգության հարցերով խորհրդական Ջեյք Սալիվանի հետ: Երկու կողմերն էլ հայտարարել են, որ հանդիպումը Իրանի մասին է եղել, իսկ ՑԱՀԱԼ-ի խոսնակը նշել է, որ Կոխավին շեշտը դրել է գործարքի թերությունների եւ նրա վրա, թե ինչ է կարելի անել դրանց լուծման համար:   
Ակնկալվում է, որ կիրակի Հռոմում արտաքին գործերի նախարար Յաիր Լապիդը առաջին հանդիպումը կունենա պետքարտուղար Թոնի Բլինկենի հետ:  

Իսրայելցի պաշտոնյաները ակնկալում են, որ Լապիդը կընդգծի Իսրայելի վերապահումները ԱՄՆ-ի՝ գործարքին վերադառնալու վերաբերյալ եւ մի քանի պայման առաջ կքաշի, որոնք, ըստ Իսրայելի, ԱՄՆ-ը պետք է պահանջի Իրանից գործարքի վերականգման շրջանակներում:

Երկուշաբթի Իսրայելի նախագահ Ռեուվեն Ռիվլինը Սպիտակ տանը հանդիպելու է նախագահ Բայդենի հետ: Չորեքշաբթի Ռիվլինը հանդիպել է Բեննեթին եւ Լապիդին՝ համաձայնեցնելու Իրանի մասին ԱՄՆ ուղերձը: 
Հարկ է նշել, որ Իրանի հարցում Բեննեթը նույնքան ագրեսիվ է, որքան Նեթանյահուն, սակայն վերջինս բազմիցս հայտարարել է, որ Բեննեթն այնքան ուժեղ չէ, որ կարողանա հակազդել Բայդենին միջուկային գործարքի հարցում:  

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Պետդեպը հայտարարել է, որ Իրանը խնդրել է հետաձգել բանակցությունները Վիեննայում մինչ նախագահի երդմնակալությունը
«Մենք պատրաստ էինք շարունակել բանակցությունները, բայց իրանցիներն ավելի շատ ժամանակ են խնդրել՝ նոր նախագահի պաշտոնը ստանձնելու գործընթացի կարգավորման համար...
Հասան Ռոհանի. Իրանը ցանկության դեպքում կարող է հարստացնել ուրանը մինչեւ 90 տոկոս
«Իրանի ատոմային էներգիայի կազմակերպությունը կարող է հարստացնել ուրանը 20 եւ 60 տոկոսով եւ նույնիսկ ...
Իրանը չի փոխանցի իր միջուկային օբյեկտներից տվյալներ ԱԷՄԳ-ին. դեսպան
Իրանը պահպանել է տեսախցիկների տվյալները բացառապես բարի կամքի հիման վրա, ոչ թե գործակալության առջեւ իր պարտավորությունների շրջանակում...
Իրանում հայտարարել են, որ միջուկային գործարքի շուրջ բանակցությունները կարող են շարունակվել Ռաիսիի օրոք
«Եթե ինչ-ինչ պատճառներով մինչ [Ռոհանիի] կառավարության օրինական մանդատի ավարտը վերջնական համաձայնություն չկնքվի, բանակցային գործընթացը կգլխավորի հաջորդ կառավարությունը եւ որոշումներ կկայացնի դրա ասպեկտների վերաբերյալ...
Իրանի նորընտիր նախագահը մտադիր չէ հանդիպել Ջո Բայդենի հետ
«ԱՄՆ վարչակազմը պետք է հաստատի իր մտադրությունների անկեղծությունը, որպեսզի մենք կարողանանք երկխոսություն սկսել Բայդենի վարչակազմի հետ...
ԱՄՆ-ը չպետք է բանակցի Իրանի նորընտիր նախագահի հետ. Պոմպեո
Միացյալ Նահանգները, ըստ Պոմպեոյի, չպետք է բանակցություններ վարի Էբրահիմ Ռաիսիի հետ...