Թունիսի խորհրդարանի խոսնակ եւ «Ան Նահդա» իսլամիստական կուսակցության աառաջնորդ Ռաշիդ Գանուշին նստացույց է սկսել ասամբլեայի շենքի մոտ, հաղորդում է ՏԱՍՍ-ը՝ հղում անելով Mosaïque FM-ին:
Կիրակի ուշ երեկոյան Գանուշին եւ մի շարք պատգամավորներ կարողացել են մտնել ասամբլեայի շենք այն բանից հետո, երբ նախագահ Քայիս Սայիդը դադարեցրել է այդ օրենսդիր մարմնի աշխատանքը: Սակայն ավելի ուշ մայրաքաղաք է մտցվել բանակը, որն ազատել է շենքն ու արգելափակել մուտքերը:
Նախագահը հայտարարել է բոլոր պատգամավորների անձեռնմխելիության չեղարկման մասին:
Բացի այդ, նա հայտնել է, որ մոտ ժամանակներս պաշտոնաթող կարվի վարչապետ Հիշամ Մաշիշին, եւ կառավարությունը կգլխավորի այլ մարդ:
