News
Լրահոս
News
Հինգշաբթի
Սեպտեմբեր 23
Տեսնել լրահոսը

Հայաստանում ժամանակավոր բնակվող արցախցիներին ուղղված աջակցման 5 ծրագրեր են իրականացվում, որոնցից 3-ն իրականացվել է դեռ անցած տարվանից, երկուսը այս տարի է ավելացել: Այս մասին, այսօր՝ հուլիսի 27-ին, մամուլի ասուլիսի ժամանակ նշեց Աշխատանքի եւ սոցիալական հարցերի նախարարության կենսաթոշակային ապահովության եւ այլ դրամական վճարների վարչության պետ Անահիտ Գալստյանը:

«Դրանցից առաջինը Արցախի քաղաքացիներին տրվող աջակցությունն է, որը գահտնի է 68 հազար դրամ գումարած 15 հազար դրամ: Այսինքն տրվում է 68 հազար եւ եթե ՀՀ-ում չունի իրեն պատկանող անշարժ գույք, ապա լրացուցիչ եւս 15 հազար դրամ է հատկացվում:

Հաջորդ միջոցառումը Ադրբեջանի վերահսկողության անցած տարածքներում բնակված քաղաքացիներին միանվագ աջակցություն ցուցաբերելն է՝ յուրաքանչյուր անձի 300 հազար դրամ: Այս ծրագրերով գումարները տրվում են յուրաքանչյուր անձի՝ անկախ չափահաս լինել-չլինելուց: Այսինքն եթե ասենք, ընտանիքում կա 3 երեխա, հայր, մայր, տատիկ, պապիկ, ապա այս միջոցառման շրջնակներում վճարվում է 7 անգամ 300 հազար դրամ, որը կազմում է 2,1 մլն դրամ:

Երրորդ միջոցառումը նախատեսված է այն տարածքների բնակիչների համար, որոնք չեն հանձնվել Ադրբեջանի վերահսկողությանը, սակայն այդ տարածքներում վնասվել են նրանց բնակելի տները, որի հետեւանքով նրանք այլեւս չեն կարող այդտեղ բնակվել: Այս դեպքում աջակցության գումարը ընտանիքի յուրաքանչյուր անդամի համար կազմել է 250 հազար դրամ: Բոլոր երեք ծրագրերով էլ գումարները վճարվել են առցանց դիմումների հիման վրա:

4-րդ միջոցառումը դա Արցախի հաշվառում ունեցող մինչեւ 5 տարեկան նախադպրոցական տարիքի երեխաներին նոր տարում նվերի տեսքով աջակցությունն է՝ 20 հազարական դրամ:

Վերջին՝ 5-րդ միջոցառումը Արցախի բնակիչներից յուրաքանչյուրին 4 ամիւս ժամկետով ամսական 68 հազարական դրամ վճարելն է»,-ասաց նա:

Անահիտ Գալստյանի խոսքով, այս երկու տարվա ընթացքում այս ծրագրերի համար պետական բյուջեից հատկացվել է մոտ 49 մլրդ դրամ:

Նա ընդգծեց, որ բայց այս ծրագրերից փոխհատուցվել է Արցախում սեպտեմբերից մարտ ընկած ժամանակահատվածում լույսի, գազի ծախսերը, որի համար հատկացվել է մոտ 6,2 մլրդ դրամ:

Դրանից զատ 6 ամիս ժամկետով 300 հազարական դրամ են ստացել անհետ կորած եւ ծանր վիրավորում, խեղում ստացած զինծառայողների ընտանիքները: Այս ծրագրերով միջոցները հատկացվում են զինծառայողների ապահովագրության հիմնադրամի կողմից, միջոցները տրամադրվում են պետական բյուջեից:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Փորձագետ. Ռուսաստանի համար սկզբունքորեն կարեւոր է պահպանել Երեւանի եւ Բաքվի միջեւ միջնորդի դերը
Սա քաջ հայտնի է Երեւանին, Բաքվին եւ Անկարային»,-պարզաբանեց Սիլաեւը․․․
ԶՈւ զորամիավորումներից մեկի N զորամասում բացվել է պատերազմի զոհերին նվիրված հուշապուրակ
Տավուշի թեմի առաջնորդ գերաշնորհ Տեր Բագրատ եպիսկոպոս Գալստանյանի ձեռամբ կատարվել է հիշատակի ոգեկոչման…
Իրենք կարող են առաջարկել, բայց չեն կարող պարտադրել. Դոնթի բանաձեւը պարտադրանքի բանաձեւ չի. Անդրանիկ Քոչարյան
«Հայաստան» խմբակցությունում մտադիր չեն փոխել իրենց թեկնածուին...
Սահմանին կանգնած ռուս խաղաղապահներն իրենց քարտեզներին են նայում. Մենք չենք կարող իրենց հակառակն ապացուցել. Բագրատյան
Մենք տեղերում ունենք մեր զոհված եղբայրների գերեզմանների կառուցման խնդիր. Իհարկե ունեմ ցանկություն օգտակար լինելու, բայց նման բաներ ասելը էժանացնում է…
Ադրբեջանը շատ բան կարող է պահանջել. ես էլ պահանջում եմ՝ Բաքվում կառավարության շենքից հանեն Ադրբեջանի դրոշը. Բագրատյան
Եվ նախկինում, եւ այժմ, բոլոր իշխանությունները ձգտել են պետականության հզորացման ճանապարհով գնալ…
Չի բացառվում, որ Էրդողանն, այո, միջանցք է պահանջում, բայց բացառում եմ, որ մենք իրենց միջանցք տանք. Սերգեյ Բագրատյան
Հայաստանն ուզի, թե չուզի, այո, իր բոլոր հարեւանների հետ պետք է հանդիպի ու բանակցի եւ կյունություն ապահովի, որի միջոցով կարող ենք հասնել մեր երազած...
Ամենաշատ