News
Լրահոս
News
Շաբաթ
Սեպտեմբեր 18
Տեսնել լրահոսը

Մենք դատապարտում ենք, մասնավորապես, Ադրբեջանի ներկայացուցիչների վերջերս արած հայտարարությունները այսպես կոչված «Արեւմտյան Զանգեզուրի» մասին, եւ Հայաստանի Հանրապետության տարածքը որպես Ադրբեջանի «բուն հող» հիշատակումները։ Նման հայտարարությունները չափից ավելի անպատասխանատու են եւ սպառնում են տարածաշրջանային անվտանգության  հետագա խափանմամբ։ Այս մասին ասվում է Եվրախորհրդարանի Հարավային Կովկասի հետ հարաբերությունների գծով պատվիրակության ղեկավար Մարինա Կալյուրանդի, Հայաստանի հարցերով Եվրոպական խորհրդարանի մշտական զեկուցող Անդրեյ Կովաչեւի, Ադրբեջանի հարցերով զեկուցող Ժելյանա Զովկոյի համատեղ հայտարարությունում։

«Մենք ցավում ենք հուլիսի 28-ին երեք հայ զինծառայողի մահվան համար ադրբեջանական զորքերի հետ Գեղարքունիքի մարզի սահմանին բախումների ժամանակ՝ այն բանից հետո, երբ վաղ առավոտվանից, ինչպես տեղեկացվում է, հրետակոծվել են հայկական դիրքերը եւ մի քանի գյուղեր, եւ մեր խորին ցավակցությունն ենք հայտնում նրանց ընտանիքներին։

Ցավոք, սա ընդամենը վերջինն է միջադեպերի կամ սադրանքների շարքից վերջին ամիսների ընթացքում, ներառյալ միջպետական սահմանի խախտումները, որոնք սկսվել են մայիսի 12-ին Հայաստանի տարածք ադրբեջանական զորքերի ներթափանցմամբ։ Պակաս անհանգստացնող չէ վերջին օրերին Նախիջեւանի հետ սահմանին տեղի ունեցած փոխհրաձգությունը, երբ զոհվել է եւս մեկ հայ զինվոր։

Մենք կոչ ենք անում երկու կողմերին հետեւել հրադադարի ռեժիմին եւ ձեռնպահ մնալ ցանկացած սադրանքից։

Ցանկացած հնարավոր տարաձայնություն սահմանի վերաբերյալ պետք է լուծվի բանակցությունների ճանապարհով սահմանազատման եւ սահմանագծման գործընթացում, այլ ոչ թե ուժի եւ միակողմանի գործողությունների կիրառման ճանապարհով։

Բոլոր ուժերը պետք է հեռանան դեպի այն դիրքերը, որոնք զբաղեցված էին մինչեւ մայիսի 12-ը եւ Հրադադարի մասին եռակողմ հայտարարության դրույթներին համապատասխան։ Իրավիճակի ապասրացման համար չափազանց կարեւոր է անհապաղ դադարեցնել սադրիչ հռետորաբանությունը։

Այս համատեքստում մենք դատապարտում ենք, մասնավորապես, Ադրբեջանի ներկայացուցիչների վերջին հայտարարությունները այսպես կոչված «Արեւմտյան Զանգեզուրի» վերաբերյալ, եւ Հայաստանի Հանրապետության տարածքը որպես Ադրբեջանի «բուն հող» հիշատակումները։ Նման հայտարարությունները չափազանց անպատասխանատու են եւ սպառնում են տարածաշրջանային անվտանգության հետագա խափանմամբ։

Մենք հիշեցնում ենք, որ ԵՄ-ը հավատարիմ է վստահության ամրապնդման եւ ցանկացած հարց բանակցությունների սեղանի շուրջ լուծելու միջոցների աջակցմանը, այդ թվում հակամարտության ամուր կարգավորման եւ Լեռնային Ղարաբաղի ապագա կարգավիճակի մասին բանակցությունների վերսկսման միջոցով ,- նշվում է հայտարարությունում։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Արդեն 2-րդ օրն է զոհված զինծառայողների աճյունների որոնումներն արդյունք չեն տալիս․ Արցախի ԱԻՊԾ
Զինադադարից հետո` Արցախի գրավյալ տարածքներում իրականացված որոնումների արդյունքում` փրկարարական ջոկատները մինչ օրս հայտնաբերել…
Դրոններով շոու է լինելու. ցանկացած գունագեղ շոու պոռնկություն է. Այդ համերգը չպետք է լինի. ռեժիսոր
Այս պայմաններում Սեպտեմբերի 21-ը նման ձեւով նշելը անբարոյականություն է…
Վերականգնել ՀՀ օրինական սահմանները, թույլ չտալով դրանց ապօրինի որևէ փոփոխություն. ՀԴԿ-ն դիմել է Արմեն Սարգսյանին
Տեղի է ունեցել ՀՀ սահմանների ապօրինի փոփոխություն, խախտվել է ՀՀ տարածքային ամբողջականությունը…
Թող գնա Որոտանում, որ տվել է թուրքին, էնտեղ թուրքերի հետ գունավոր հրավառություն անի. Զոհվածի ծնող
Ինչպես կարող է ամեն անգամ մի բան դուրս տալ, հետո ներողություն խնդրել…
Պատերազմը միայն Ադրբեջանի դեմ չէր․ Արմեն Սարգսյանը՝ «Մտքերի գագաթնաժողով»-ում
Ամբողջ աշխարհում շատ խնդիրներ ունենք, որովհետև քաղաքական գործիչները, կազմակերպությունները, անհատները, գործարարները, մշակութային գործիչներն ազնիվ չեն...
«Սեպտեմբերի 21-ը գունագեղ շոուներով չպետք է նշվի». բողոքի ակցիա Հանրապետության հրապարակում է
Զոհված զինծառայողների ծնողները իրենց զոհված զավակների, հարազատների նկարներով հավաքվել են Հանրապետության հրապարակում՝ համերգի համար...
Ամենաշատ