Սիրիայի նախագահ Բաշար Ասադը կիրակի վարչապետի պաշտոնում դարձյալ նշանակել է Հուսեյն Արնուսին եւ հանձնարարել նրան ձեւավորել նոր կառավարություն, հաղորդում է SANA-ն:

Հրամանն արձակվել է Ասադի՝ չորրորդ ժամկետով պաշտոնավարման երդմնակալությունից հետո: Ասադն ի սկզբանե Արնուսին նշանակել էր վարչապետի պաշտոնում 2020 թվականի օգոստոսին՝ պաշտոնից հեռացնելով Իմադ Համիսին, երբ Սիրիան բախվել էր տնտեսական ճգնաժամի եւ փոխարժեքի անկման հետ: Նախքան այդ պաշտոնը զբաղեցնելը, Արնուսը եղել է ջրային ռեսուրսների նախարար: