News
Լրահոս
News
Ուրբաթ
Սեպտեմբեր 24
Տեսնել լրահոսը

Ներկայիս իշխանությունը մտադիր չէ որեւէ կերպ սահմանափակել ԶԼՄ-ների աշխատանքը: Այս մասին օգոստոսի 3-ին Հայաստանի 8-րդ գումարման Ազգային ժողովի հատուկ նիստում ասաց հանրապետության խորհրդարանի նորընտիր նախագահ Ալեն Սիմոնյանը: Ազգային ժողովի շենքում լրագրողների աշխատանքի կազմակերպման հետ կապված փոփոխությունները, ըստ նրա, ոչ այնքան սահմանափակումներ են, որքան համակարգում:

«Սահմանափակում» բառի օգտագործումը ճիշտ չէ, քանի որ դա աշխատանքի համակարգման հարց է: Մենք խնդիր ունենք, երբ տարիներ շարունակ լրագրողները ստիպված էին միջանցքներով վազել պատգամավորների հետեւից: Եղել են նույնիսկ դեպքեր, երբ պատգամավորները սպառնացել ու ծեծել են լրագրողներին: Այս լարվածությունը պայմանավորված էր նրանով, որ այդ հարաբերությունները որեւէ կերպ չէին կարգավորվում»,- պարզաբանեց Սիմոնյանը: Նա նշեց, որ այնպիսի փոփոխություններ, որոնք կհանգեցնեն ԶԼՄ-ների մասին օրենքում փոփոխությունների, նախատեսված չեն: «Լրագրողների համար կստեղծվեն հատուկ տեղեր, որտեղ բոլոր պատգամավորները կկարողանան ճեպազրույցներ անցկացնել:

Իշխող խորհրդարանական ուժը պարտավորվում է մշտական կապ պահպանել լրագրողների հետ: Օրինակ, մեր հանձնաժողովների նախագահները պարտավոր կլինեն անձամբ կամ ինչ-որ մեկին հանձնարարել հանձնաժողովի յուրաքանչյուր նիստից հետո իջնել հատուկ հատկացված տեղ, որտեղ նրանք պարտավոր կլինեն շփվել լրագրողների հետ եւ նրանց համապատասխան տեղեկատվություն տրամադրել: Իսկ լրագրողները պատգամավորների աշխատասենյակ կգան այն ժամանակ, երբ պատգամավորներն իրենք դա ցանկանան: Խորհրդարանականներն իրենք կկազմակերպեն այդ այցը, որից հետո կապահովվի նրանց ուղեկցումը պատգամավորի աշխատասենյակ, ինչպես նաեւ այնտեղից դուրս գալուց հետո»,- ասաց խորհրդարանի ղեկավարը: Լրագրողները նաեւ Ազգային ժողովի բակում պատգամավորների հետ զրուցելու հնարավորություն կունենան:

Այսպես, դրա համար խորհրդարանի ներքին բակում նախատեսվում է պատրաստել սրճարանի տեսքով հատուկ տեղ, որտեղ պատգամավորները կկարողանան ընդունել ինչպես այլ մարդկանց, այնպես էլ շփվել լրագրողների հետ: Սիմոնյանը կրկին ընդգծեց, որ իշխանությունները խոսում են ոչ թե սահմանափակումների, այլ համակարգման մասին: Մեկնաբանելով ընդդիմադիր պատգամավորների այն դիտողությունները, թե լրագրողների հետ նման բան նախկինում չէր եղել, Սիմոնյանն ասաց, որ նման բան տեղի չի ունեցել նաեւ 1999 թվականի հոկտեմբերի 27-ին, երբ խորհրդարանի վրա հարձակում կատարվեց: ԱԺ նախագահը հիշեցրեց նաեւ նախորդ տարվա ձմռանը Բաղրամյան պողոտայում կատարված մահապատժի բեմադրությունը: Ըստ քաղաքական գործչի՝ այս ամենն իրենց մտածելու տեղիք է տվել:

Նա նշեց, որ «թավշյա» հեղափոխությունից հետո Freedom House իրավապաշտպան կազմակերպությունը հայտարարություն է տարածել՝ նշելով, որ խոսքի ազատության պատմության մեջ նման թռիչք չի եղել: «Ուստի ես կարծում եմ, որ այս գնահատականները պետք է վկայեն, որ ներկայիս իշխանությունը մտադիր չէ որեւէ կերպ սահմանափակել մամուլի աշխատանքը»,- ընդգծեց Սիմոնյանը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Մտեք ձեր սահմանը, ձեր տեղը». Լրագրողներին թույլ չտվեցին լուսաբանել վարչապետի այցը «Եռաբլուր» (ֆոտո)
Ոստիկանները որեւէ պատասխան չտվեցին, թե ինչու թույլ չեն տալիս լրագրողներին առաջանալ...
ՄԻՊ-ը պետական սահմանին լրագրողների տեսալուսանկարահանման արգելքը վիճարկելու հարցով դիմել է ՍԴ
Դիմումով Պաշտպանը միջնորդել է կասեցնել վիճարկվող սահմանափակումների գործողությունը մինչև Սահմանադրական դատարանում գործի դատաքննության...
«Ռադիո Ավրորան» տեղեկացնում է, որ դադարեցնում է սփռումն Արցախում
Իրավական անորոշությունների և ադրբեջանցիների կողմից հաճախականության պարբերաբար խլացման պատճառով…
Ավստրալիայում դատարանը վճռել է, որ ԶԼՄ-ները պատասխանատու են սոցցանցերում իրենց ընթերցողների մեկնաբանությունների համար
Դատարանի վճռի մեջ ասվում է, որ սոցցանցերում էջեր բացելով՝ մեդիաընկերությունները մասնակցում են տեղեկությունների տարածմանը, այդ թվում երրորդ․․․
ԶԼՄ-ներ. Քաբուլում «Թալիբան» շարժումն արգելում է լրագրողներին նկարահանել բողոքի ցույցերը
«ԶԼՄ-ների տեսախցիկներն առգրավվում են, լրագրողներին խնդրում են չնկարահանել, իսկ որոշներին հեռացնում են...
Լրագրողների նկատմամբ այդ խայտառակ, անհամաչափ սահմանափակումները չաշխատեցին. Ռուբեն Մելիքյան
Նույնիսկ եթե իշխանությունը վատն է, բայց եթե որոշում կայացրեց, գիտես, որ այստեղ կա կայունություն, կարող ես կանխատեսել քո ապագան, այս իշխանության…
Ամենաշատ