Իշխանության գալուց հետո, փորձի բացակայության պատճառով, դուք հասաք նրան, որ պետական կառավարման բոլոր ոլորտների արդյունավետությունը նվազել է: Այս մասին օգոստոսի 5-ին նորընտիր Ազգային ժողովի հատուկ նիստին երեք փոխխոսնակներից մեկի պաշտոնի թեկնածության քննարկման ժամանակ հայտարարեց ընդդիմադիր «Հայաստան» խորհրդարանական խմբակցության ղեկավար, պաշտպանության նախկին նախարար Սեյրան Օհանյանը:
Նախկին նախարարի կարծիքով, անհաջողությունները պայմանավորված են նրանով, որ նոր կառավարությունը շեշտադրում չարեց հայկական բանակի՝ ավելի վաղ ձեռք բերված հաջողությունների, ինչպես նաեւ նախորդ տարիներին Ղարաբաղի շուրջ բանակցությունների ընթացքում արձանագրված հաջողությունների վրա:
Պատգամավորը նշեց, որ որքան էլ խոսեն Ադրբեջանի հետ խաղաղության մասին, պետք է հասկանալ, որ իսկական խաղաղություն չի լինելու: «Մենք պետք է մտածենք, թե ինչպե՞ս հասնել խաղաղության եւ որո՞նք են դրա հիմքերը: Բանակի մասին խոսելիս պետք է միշտ հաշվի առնել գաղտնիության ռեժիմը եւ չվարկաբեկել դրա ղեկավարությանը: Զինվորները երբեք սոված չեն եղել: Այո, գուցե եւ կային փոքրաթիվ օղակներ, որտեղ սննդի հետ կապված խնդիրներ կարող էին լինել»,- ասաց Օհանյանը: