Հայաստանը չի կարող արտադրել ամեն ինչ և ներմուծված ապրանքների գնային համակարգի նկատմամբ հսկողություն սահմանել առանձնապես չի կարող։ Այս մասին այսօր՝ օգոստոսի 6-ին, Կառավարության նիստից հետո՝ լրագրողների հետ հանդիպմանը, նշեց Էկոնոմիկայի նախարար Վահան Քերոբյանը։
«Վստահ եմ, որ շուտով կտեսնենք գների էական անկում։ Այն գների ուղղությամբ, որոնք տեղական արտադրանքի են վերաբերում, շատ լրջորեն աշխատում ենք Կենտրոնական բանկի հետ»,- ասաց նա։
Հարցին, թե ի վերջո ինչ ազդեցություն է ունեցել Նիկոլ Փաշինյանի ասած կախարդական փայտիկը տնտեսության վրա, Քերոբյանն ընդգծեց, որ ամենակարևոր ազդեցությունը կոռուպցիայի վրա էր։
«Չեմ ասում՝ չկա կոռուպցիա, կա ինչ-որ չափով, բայց այն համակարգային չէ, և կոռուպացված մարդիկ հաճախ հայտնվում են ճաղերի ետևում»,- հավելեց նա։
