«Թալիբան»-ը հայտարարել է աֆղանական մեծությամբ երկրորդ քաղաք Քանդահարի գրավման մասին: Գրավման մասին Twitter-ում հայտնել է շարժման մամուլի քարտուղարը: «Կանդահարն ամբողջությամբ նվաճված է»,- գրել է նա, հայտնում է РБК-ն:
Քանդահարը համանուն նահանգի վարչական կենտրոնն է: Նահանգապետի ներկայացուցիչ Բագիր Ահմադին ասել է, որ թալիբները մտել են քաղաք, սակայն վստահեցրել է, որ աֆղանական բանակը փորձում է նրանց ուժով դուրս մղել, գրում է The Associated Press-ը:
AL Jazeera-ն, հղում անելով քաղաքի բնակիչներին, հայտնում է, որ մարտերի պատճառով Քանդահարի միջազգային օդանավակայանից բոլոր չվերթները չեղյալ են հայտարարվել:
Ավելի վաղ հաղորդվել էր թալիբների կողմից Հերաթի եւ Հազնիի գրավման մասին: Հերաթի գրավումը թալիբների ամենամեծ հաջողությունն էր, որոնք մեկշաբաթյա բլիցի ընթացքում գրավել են Աֆղանստանի 34 նահանգներից 11-ի մայրաքաղաքները: Մինչդեռ Հազնիի գրավումը փակում է Աֆղանստանի մայրաքաղաքը երկրի հարավային նահանգների հետ կապող կարեւոր մայրուղին: