News
Լրահոս
News
Ուրբաթ
Հոկտեմբեր 22
Տեսնել լրահոսը

Իսրայելի նոր վարչապետ Նաֆթալի Բենեթը Սպիտակ տուն կատարելիք իր առաջին այցի ընթացքում նախատեսում է առաջ մղել Իրանի հարցով նոր ռազմավարությունը: Նա ԱՄՆ նախագահ Ջո Բայդենին կհորդորի չերկարաձգել Թեհրանի հետ 2015 թվականի միջուկային գործարքը:

Բայդենի օգնականները հույս ունեն, որ բանակցությունները դրական երանգ կտան Բենեթի հետ նրա հարաբերություններին:

Այցը ԱՄՆ-ի վարչակազմին հնարավորություն է ընձեռում ցուցադրել իր սովորական աշխատանքը Մերձավոր Արեւելքի իր ամենամոտ դաշնակցի հետ, քանի դեռ նա պայքարում է Աֆղանստանում տիրող քաոսային իրավիճակի դեմ:

Բանակցությունները կլինեն համեմատաբար զուսպ: Սպասվում է, որ երկու առաջնորդները Օվալաձեւ սենյակում բանակցությունների ընթացքում հակիրճ ելույթ կունենան լրագրողների փոքր խմբի առջեւ, սակայն համատեղ մամուլի ասուլիս չի լինի, հաղորդում է Reuters-ը:

«Իրանն արագորեն գնում է ուրանի հարստացման ուղղությամբ եւ արդեն զգալիորեն կրճատել է միջուկային ռումբի համար նյութեր կուտակելու ժամանակը»,- ասել է Նաֆթալի Բենեթը: Նրա խոսքով՝ ինքը Բայդենին կասի. «Եկել է իրանցիներին կանգնեցնելու ժամանակը, այլ ոչ թե նրանց փրկօղակ տալու՝ միջուկային գործարքի մեջ կրկին մտնելու տեսքով»։

ԱՄՆ-ի պաշտոնական ներկայացուցիչն ասել է, որ Բայդենի վարչակազմին գործարքի երկարաձգումը դադարեցնելու Բենեթի սպասելի կոչերը դժվար թե պտուղներ տան:

Բենեթն իր կաբինետին ասել է, որ Բայդենին կներկայացնի «կանոնավոր ծրագիր, որը մենք կազմել ենք վերջին երկու ամսվա ընթացքում, որպեսզի իրանցիներին զսպենք ինչպես միջուկային ոլորտում, այնպես էլ տարածաշրջանային ագրեսիայի հարցում»:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Փսակի. ԳՀՀԾ-ի հարցով բանակցությունները կտապալվեն, եթե Իրանը չափից շատ բան պահանջի
«Մենք ձգտում ենք փոխադարձ վերադարձի ԳՀՀԾ...
Պետդեպ․ Իրանի միջուկային մշակումների նկատմամբ կիրառվող չվերադարձի կետը դեռ չի անցել
«Կգա ժամանակը, եւ դա հեռավոր ապագան չէ, երբ Իրանի՝ միջուկային ոլորտում առաջընթացը կդառնա անդառնալի, երբ մենք չենք կարողանա վերադառնալ չտարածման․․․
Իսրայելի վարչապետը ՄԱԿ-ի Անվտանգության խորհրդին կոչ է անում քայլեր ձեռնարկել Իրանի դեմ
Բենեթն ասել է, որ Իրանի վարքագիծը «խնդիր է յուրաքանչյուր երկրի համար եւ ենթակա է գլոբալ պատասխանատվության»...
Մերկելն անվանել է Իրանի միջուկային ծրագրի շուրջ իրավիճակը կրիտիկական
Գերմանիայի կանցլերը համարում է, որ Իրանի միջուկային ծրագրի շուրջ իրավիճակում առջեւում «վճռորոշ շաբաթներ են», եւ որ Ռուսաստանն ու Չինաստանը կրում են առանձնակի պատասխանատվություն...
Իրանի ԱԳՆ ղեկավարը հայտարարել է, որ միջուկային գործարքը կյանքի կոչելու Բայդենի մտադրության մասին ազդակներ է ստացել
Գիտեք, երբ ես այն ժամանակ Նյու Յորքում էի, միջնորդների միջոցով հաղորդագրություններ էի ստանում ամերիկացիներից․․․
Իրանը պատրաստ է ընդունել ՄԱԳԱՏԷ-ի ղեկավարին տեխնիկական հարցերի քննարկման համար
«Իրանը պատրաստ է ցանկացած պահի ընդունել պարոն Գրոսիին՝ տեխնիկական հարցերի քննարկման համար, եւ կողջունի այցն իրականացնելու ՄԱԳԱՏԷ-ի ղեկավարի համապատասխան որոշումը»,-նշել է նա։
Ամենաշատ