Ուզում եմ ողջունել Հայաստանի վարչապետ Նիկոլ Փաշինյանին. Ուրախ եմ, որ իմ թանկագին գործընկերն այսօր հյուրընկալվում է Թբիլիսիում: Այս մասին, այսօր՝ սեպտեմբերի 8-ին, Թբբիլիսիում ՀՀ վարչապետ Նիկոլ Փաշինյանի հետ հանդիպման ժամանակ նշեց Վրաստանի վարչապետ Իրակլի Ղարիբաշվիլին:
«Ուզում եմ գործընկերոջս եւս մեկ անգամ շնորհավորել խորհրդարանական ընտրություններում համոզիչ հաղթանակի առթիվ, եւ համոզված եմ, որ նա հաջողություն ու զարգացում կբերի հայ ժողովրդին ու Հայաստանին»,-ասաց նա:
Իր հերթին ՀՀ վարչապետն ասաց. «Մեծարգո պարոն վարչապետ, նախ թույլ տվեք շնորհակալություն հայտնել հրավերի եւ ջերմ ընդունելության համար: Ինձ համար միշտ էլ մեծ պատիվ եւ հաճույք է այցելել եղբայրական Վրաստանի մայրաքաղաք, որովհետեւ նախ սա լավ առիթ է շփվել ընկերների ու բարեկամների հետ եւ երկրորդ՝ քննարկել մեր երկկողմ հարաբերություններ հարցեր, տարածաշրջանային հարցեր, միջազգային հարաբերությունների հարցեր: Ուրախ եմ, որ մեր կառավարությունների միջեւ բավականին արդյունավետ համագործակցություն է հաստատվել: Համոզված եմ, որ մեր այս հանդիպման արդյունքում այդ համագործակցությունը ավելի արդյոնավետ ու սերտ կդառնա:
