Ճապոնիան եւ Վիետնամը համաձայնագիր են ստորագրել, որը թույլ կտա պաշտպանական սպառազինության եւ տեխնոլոգիաների արտահանում իրականացնել հարավարեւելյան Ասիայի երկու երկրների միջեւ՝ տարածաշրջանային ջրերում Չինաստանի աճող ճնշման ֆոնին, հաղորդում է Kyodo-ն:
Համաձայնագիրը ստորագրվել է Հանոյում՝ անցած տարի պաշտոնը ստանձնելուց ի վեր Ճապոնիայի պաշտպանության նախարար Նոբուո Քիշիի առաջին արտասահմանյան ուղեւորության ընթացքում: Ճապոնիան կարագացնի Վիետնամի հետ բանակցությունները Ինքնապաշտպանական ուժերի նավերի վաճառքի վերաբերյալ, ասել է Քիշին՝ վիետնամցի իր գործընկեր Ֆան Վան Գյանգի հետ հանդիպումից հետո կայացած մամուլի ասուլիսում:
Նշվում է, որ Քիշին եւ Գյանգը նաեւ պայմանավորվել են արագացնել քննարկումն այն մասին, թե որ զենքերը կարող են դառնալ ռազմանավերի վերազինման ոլորտում առաջիկա արտահանման օբյեկտ:
