News
Լրահոս
News
Երկուշաբթի
Հոկտեմբեր 18
Տեսնել լրահոսը

Հրազդան գետի վրա կառուցվող 252մ երկարությամբ և 28մ լայնությամբ մետաղական կամրջի շինարարությունն ավարտական փուլում է: Այս մասին NEWS.am-ին հայտնում են Երեւանի քաղաքապետարանից:

«Երևանի  5-րդ խոշոր կամուրջն արևմտյան օղակաձև ճանապարհի ամենապատասխանատու կառույցն է: Հրազդան գետի վրա կառուցվող 252մ երկարությամբ և 28մ լայնությամբ մետաղական կամրջի շինարարությունն ավարտական փուլում է. տեղադրվում է կամրջի վերջին հենարանը:

«Ընդհանուր աշխատանքների ծավալի 70 տոկոսն արդեն ավարտել ենք: Կամրջի հիմնասյուները վերջացրել ենք, արդեն մի փոքր հատված է մնացել, որ հասնենք Հրազդան գետի մյուս ափին: Կարծում եմ, մի քանի ամիս կպահանջվի, որպեսզի ամբողջական ճանապարհը վերջացնենք և կարողանանք Երևանում հանձնել 5-րդ՝ Արգավանդ-Շիրակ կամուրջը»,-նշում է Երևանի քաղաքապետի առաջին տեղակալ Հրաչյա Սարգսյանը:

«Այս պահին մոնտաժվում են հարևան Վրաստանում հավաքված հեծանները: Հաջորդ փուլում կտեղադրվեն հատուկ սալիկներ, և վերջնականապես կամրացմացվի կառույցը: Գետնից կամրջի բարձրությունը ամենաբարձր կետում կլինի 21մ: Մետաղական այսպիսի կամուրջը կծառայի 100-120 տարի: Սա իսկապես շատ կարևոր ճանապարհ է լինելու Երևանի համար, որը հնարավորություն կտա մարդկանց 20 րոպեի փոխարեն 2-3 րոպեում հասնել գետի մյուս ափը»,-նշում է նախագծի մոնտաժման կառավարիչ Նիկոլոզ Ձիգավան:

Նոր կամուրջը կկապի Արգավանդը Շիրակ փողոցին: Ճանապարհի այս հատվածի երկարությունը 2.7 կմ է, լայնությունը՝ 26մ: Նշենք, որ Իսակով-Բաբաջանյան փողոցների հատման հանգույցում կառուցվել է նաև ուղեանց: Աշխատանքների ընթացքն ու որակը տեղում հսկում են ծրագրի գործընկեր միջազգային կառույցները:

«Կամուրջը և ամբողջ ճանապարհը նախագծվել և կառուցվում է եվրոպական բոլոր չափորոշիչներին համապատասխան: Այդ պատճառով մենք վստահ ենք, որ այն լինելու է որակյալ»,- ասում է վերահսկող կազմակերպության թիմի ղեկավար Պիեռ Մորիսը:

«Երևանի քաղաքապետարանը և կապալառուները քրտնաջան աշխատում են, և, կարծում եմ, առաջընթացը գերազանց է: Ելնելով իմ փորձից՝ կարող եմ ասել, որ քաղաքային ծրագրերը, քաղաքային ճանապարհները շատ բարդ ծրագրեր են: Եվ այս առումով, կարծում եմ, որ Երևանն իրականացրել է հիանալի, անհավատալի աշխատանք: Ինքս էլ սպասում եմ, թե երբ է շինարարությունն ավարտելու և երբ եմ այս ճանապարհով մեքենա վարելու: Ասիական զարգացման բանկն արժևորում է ներդրումները, որովհետև աշխատանքները, օգտագործվող նյութերն ու տեխնոլոգիաները պետք է լինեն բարձրորակ և հնարավորին քիչ ազդեցություն թողնեն շրջակա միջավայրի վրա»,- նշում է Ասիական զարգացման բանկի հայաստանյան գրասենյակի տնօրեն Պաոլո Սպանտիգատին:

23 կմ երկարությամբ Երևանի արևմտյան օղակաձև ճանապարհը մայրաքաղաքի հյուսիսն ու հարավը կապող գլխավոր ուղին կդառնա: Այն կլինի ժամանակակից, ԼԵԴ լուսավորությամբ, առանց երևացող հաղորդուղիների, հարմարավետ երթևեկելի գոտիներ:

Կունենանք ամբողջական ճանապարհ, որը հնարավորություն կտա Աշտարակից, շրջանցելով քաղաքի կենտրոնը, հասնել մինչև Արգավանդ և կամրջի ավարտից հետո Շիրակի փողոցով միանալ Արարատի մարզին: Դրա շնորհիվ Երևանում կնվազեն խցանումները, ինչը մեծ նշանակությունն կունենա նաև քաղաքի ուղևորափոխադրումը ճիշտ կազմակերպելու տեսակետից:

Կամրջի շինարարությունը նախատեսվում է ավարտել մինչև տարեվերջ: Հիմա մեծ թափով շարունակվում է շինարարությունը նաև ճանապարհի մյուս՝ Բաբաջանյան-Աշտարակ հատվածում»,- նշված է քաղաքապետարանի հայտարարությունում:

Տպել
Կարդացեք նաև
Ամբողջը
Կամրջի վերականգնման աշխատանքներով պայմանավորված՝ փակ է լինելու Նորապատից Մրգաշատ տանող ճանապարհը
«Արմավիր ճանշինվարպետ» ՓԲԸ կողմից իրականացվելու են կամրջային պանելների, բետոնապատման և ասֆալտբետոնե ծածկի տեղադրման աշխատանքներ…
Գորիս-Կապան հատվածը շրջանցող Տաթև-Աղվանի ճանապարհը պատրաստ կլինի տարեվերջին. նախարար
Երեկ ուշ երեկոյան հետևել եմ Տաթև-Աղվանի ճանապարհահատվածի շինաշխատանքներին և համոզվել, որ արվում է առավելագույնը աշխատանքները...
Երևան-Երասխ-Գորիս-Մեղրի-Իրանի սահման ճանապարհի որոշ հատվածներ նորոգվում են. աշխատանքը կավարտեն մինչեւ տարեվերջ
Այս հատվածն անցնում է Վայոց ձորի մարզով՝ Զառիթափ, Սարավան բնակավայրերի մոտով...
Արարատ Միրզոյան. Պարսից ծոց-Սեւ ծով նախագծի քննարկումը դինամիկ շարունակվում է
Մենք անդրադարձել ենք մեծ տարածաշրջանում ենթակառուցվածքների հարցին, ասել է Արարատ Միրզոյանը...
Հայաստանի եւ Հնդկաստանի արտգործնախարարները քննարկել են իրանական Չաբահար նավահանգստի տարանցման հնարավորությունները
Հնդկաստանի արտաքին գործերի նախարարն ընդգծել է հաղորդակցությունների կարեւորությունը...
Գնել Սանոսյանն ուշ երեկոյան հետևել է Տաթև-Աղվանի ճանապարհահատվածի շինաշխատանքներին
Նախարարն անձամբ ուշ երեկոյան հետևել է Տաթև-Աղվանի ճանապարհահատվածի շինաշխատանքներին...
Ամենաշատ