«Եռաբլուր» զինվորական պանթեոնում, այսօր՝ սեպտեմբերի 21-ին, Անվտանգության խորհրդի քարտուղար Արմեն Գրիգորյանը հրաժարվեց պատասխանել Էրդողան-Փաշինյան հավանական հանդիպման մասին հարցին:
«Ինչ կարող եք ասել Փաշինյան-Էրդողան ապագա հանդիպման մասին: Եղե՞լ է նման բան, պատասխանեք մի բառով, երկրում տեղեկատվական բլոկադա է»,- ասաց Factor.am-ի լրագրողը՝ դիմելով Գրիգորյանին:
Վերջինս առանց պատասխանելու նստեց մեքենան ու հեռացավ:
Ավելի վաղ NEWS.am-ը հայտնել էր, որ օրեր առաջ Թուրքիայի նախագահ Էրդողանը հայտարարել էր, որ Վրաստանի վարչապետի միջոցով ՀՀ վարչապետ Նիկոլ Փաշինյանը իր հետ հանդիպման առաջարկ է փոխանցել:
