Դավաճանությամբ հանձնվեց Հադրութը, որից հետո արդեն ստիպված էինք լքել մեր հայրենիքը: Այս մասին, այսօր՝ հոկտեմբերի 12-ին, կառավարության մոտ տեղահանված արցախցիների բողոքի ակցիայի ժամանակ նշեց Հադրութի Տող գյուղի դպրոցի տնօրենը:
«Հույս կար, որ Տողն անպարտելի է, քանի որ թուրք-մոնղոլական ուժերը 28 անգամ հարձակվել են այդ գյուղի վրա ու երբեք չի հաջողել: Գյուղացիները դիրքավորվել ու հետ են շպրտել, բայց այսօր ցավոք, Տողը չկա, Հադրութը չկա: Ես զարմանում եմ մեր իշխանությունների վրա, որոնցից գոնե մեկ անգամ չլսեցի օկուպացված բառը, որ Շուշին, Հադրութը օկուպացված է»,-ասաց նա՝ հավելելով, որ այս պահին վարձով է ապրում ընտանիքով Երեւանում:
«Մեր ողջ ունեցվածքը, տները, գերեզմանոցները, մնացին այնտեղ: Կիսամերկ դուրս եկանք այն հույսով, որ 1-2 օրից հետ ենք գալու: Բայց, ավաղ, չստացվեց ու մենք հանգրվանեցինք այստեղ: 4 ամիս 68-հազարական դրամները են տվել, նաեւ հյուրընկալության 30-հազարական դրամները»,-ասաց նա:
