Հինգ տասնամյակ անց այն բանից հետո, երբ դերասան Ուիլյամ Շաթներ իր դեբյուտը կատարեց «Աստղային ճանապարհ»-ում որպես տիեզերքն ուսումնասիրող կապիտան, նա տիեզերք է թռել իրական կյանքում:
Blue Origin-ը Շաթներին եւ երեք այլ անձանց տիեզերք է ուղարկել իր New Shepard տիեզերանավի տախտակամածին:
Հրթիռն արձակվել է Արեւմտյան Տեխասում գտնվող Blue Origin-ի մասնավոր օբյեկտից՝ հասնելով ավելի քան 100.000 կիլոմետր բարձրության, եւ մի քանի րոպե անց ապահով վերադարձել է Երկիր: Մեկնարկից մինչեւ վայրէջք թռիչքը տեւել է մոտ 11 րոպե: Անձնակազմը մոտ երեք րոպե գտնվել է անկշռության պայմաններում:
90 տարեկան հասակում Շաթները դարձել է ամենատարեց մարդը, ով այդքան տարածություն է անցել տիեզերքում՝ գերազանցելով 82-ամյա Ուոլլի Ֆանկի ռեկորդը հուլիսյան Blue Origin թռիչքի ժամանակ, որին մասնակցում էր նաեւ Ջեֆ Բեզոսը:
Շաթների հետ թռել է նաեւ նԱՍԱ-ի նախկին ինժեներ Քրիս Բոշուիզենը, առողջապահության ոլորտում ձեռնարկատեր Գլեն դե Վրիսը եւ Blue Origin-ում թռիքների ղեկավար, փոխտնօրեն Օդրի Փաուերսը: