News
Լրահոս
News
Կիրակի
Դեկտեմբեր 05
Տեսնել լրահոսը

Ռուսաստանի նախագահ Վլադիմիր Պուտինը հայտարարել է, որ Ուկրաինայում ՆԱՏՕ-ի փաստացի ռազմական ներկայությունն իրական սպառնալիք է Ռուսաստանի համար, հաղորդում է «Ինտերֆաքսը»:

«Այդ սպառնալիքը (ՆԱՏՕ-ի կողմից) էական նշանակություն ունի մեզ համար։ ՆԱՏՕ-ին (Ուկրաինայի) պաշտոնական անդամակցություն կարող է տեղի չունենալ, սակայն տարածքի ռազմական իրացումն արդեն ընթացքի մեջ է: Եւ դա իսկապես վտանգ է ներկայացնում Ռուսաստանի Դաշնության համար»,- «Վալդայ» միջազգային ակումբում հանդիպման ժամանակ հայտարարել է Ռուսաստանի նախագահ Վլադիմիր Պուտինը:

Միաժամանակ նա զուգահեռ է անցկացրել 1980-ականների վերջի իրավիճակի հետ՝ կապված Գերմանիայի միավորման հետ։ «Երբ բոլոր կողմերից բոլորն ասել են, որ նույն Գերմանիայի միավորումից հետո ՆԱՏՕ-ի ենթակառուցվածքները ոչ մի դեպքում չեն շարժվի դեպի արեւմուտք, գոնե Ռուսաստանը դրանում պետք է վստահ լինի։ Այդպես էին ասում, հրապարակային հայտարարություններ են եղել։ Իսկ ի՞նչ եղավ գործնականում։ Խաբեցին։ Հիմա էլ ասում են՝ որտե՞ղ են թղթերը, ցույց տվեք»,- ասել է նախագահը։

«Սա նշանակում է, որ մեկ անգամ են ընդլայնել, երկու անգամ են ընդլայնել, իսկ հետեւանքներն ինչպիսին են՝ ռազմական-ռազմավարակա՞ն։ Ենթակառուցվածքները մոտեցնում են։ Օրինակ՝ Ռումինիայում, Լեհաստանում տեղադրել են հակահրթիռային պաշտպանության համակարգեր, բայց արձակման կայաններով, որոնց վրա կարելի է «Տոմագավկներ»՝ հարվածային համակարգեր տեղադրել։ Իսկ դա հեշտ է անել, կոճակ սեղմելով, միայն ծրագրային ապահովումն է պետք փոխել ու վերջ։ Մենք, իհարկե, դա նկատեցինք»,- հավելել է նախագահը։

Ուսումնական կենտրոնների ապրանքանիշի տակ ամեն ինչ կարելի է տեղադրել, ասել է ՌԴ նախագահը։ «Ինչ վերաբերում է հիմքերին, ապա ես գիտեմ Ուկրաինայի համապատասխան սահմանադրական դրույթը։ Ոչ ոք չի արգելում ուսումնական կենտրոնները։ Իսկ ուսումնական կենտրոնների անվան տակ կարելի է ինչ ասես տեղադրել: Եւ ինչպես արդեն ասել եմ, դա նույնպես եղել է, հրապարակավ հնչել է։ Վաղը հրթիռներ կհայտնվեն Խարկովի մոտ, ի՞նչ անենք սրա հետ։ Դե, մենք չենք, որ այնտեղ ենք խցկվում մեր հրթիռներով, դրանք մեր քթի տակ են խոթում: Իհարկե, սա խնդիր է»,- ասել է Պուտինը, փոխանցում է« ՌԻԱ Նովոստին»:

Նրա խոսքով՝ Ռուսաստանին խաբել են, երբ հայտարարել են, որ ՆԱՏՕ-ի ռազմական ենթակառուցվածքը չի ընդլայնվի դեպի Արեւելք։

!
Այս նյութը հասանելի է նաև   English and Русский
Տպել
Ամենաշատ