«Արմավիա» ավիաընկերության սեփականատեր Միխայիլ Բաղդասարովը մտադիր է ձեռք բերել վրացական «Աիրզենա» ավիաընկերությունը: Այս մասին լրագրողների հետ հանդիպման ժամանակ հուլիսի 6-ին հայտարարեց ինքը` Մ. Բաղդասարովը: Նա նշեց, որ ներկա դրությամբ հարցը քննարկման փուլում է, եւ վերջնական որոշում առայժմ չի կայացվել: Բացի այդ, գործարարը բարձր գնահատեց վրացական ընկերության պոտենցիալը` նշելով, որ այն ունի լավ համբավ ու բալանսավորված աշխատանք:
Բացի այդ, Բաղդասարովը հերքեց լրատվամիջոցներում շրջանառվող այն տեղեկությունները, թե ինքը մտադիր է իր բիզնեսն արտահանել Վրաստան:
