ԱՄՆ 41 կոնգրեսականներ՝ Քրիս Պապպասի եւ հելլենական խմբակցության համանախագահներ Գաս Բիլիրակիսի եւ Քերոլայն Մելոնիի գլխավորությամբ, նամակ են հղել պետքարտուղար Էնթոնի Բլինքենին՝ պնդելով, որ ԱՄՆ-ը պետք է հրաժարվի Թուրքիային F-16 կործանիչներ վաճառելու ծրագրից։
Բլինքենին ուղղված նամակում օրենսդիրները խնդրել են լրացուցիչ տեղեկություններ տրամադրել վերջին հաղորդագրություններից հետո, որնց համաձայն՝ Թուրքիան խնդրել է գնել Lockheed Martin-ի արտադրության քառասուն F-16 կործանիչներ, ինչպես նաեւ արդիականացնել առկա օդանավերի հավաքածուները:
Ամերիկացի օրենսդիրները նշել են դեմ արտահայտվելու չորս պատճառ։ «CAATSA-ի պատժամիջոցներից հետո Էրդողանի կառավարությունը հստակ հասկացրել է, որ մտադիր չէ ենթարկվել ԱՄՆ օրենքներին կամ լուծել այն խնդիրները, որոնք հանգեցրել են Թուրքիային F-35 ծրագրից դուրս մնալուն եւ Կոնգրեսի կողմից ԱՄՆ-ից զենք գնելու արգելքին»,-ասվում է նամակում։ Block 70-ի արդիականացման համար համալիրները եւս նման վտանգներ են պարունակում, եթե Անկարան շարունակի ունենալ ռուսական С-400-ներ, ասում են օրենսդիրները:
Օրենսդիրները նաեւ նշել են, որ թեեւ իրենք կցանկանային, որ Թուրքիան տեղ ունենար Արեւմուտքում, այդ նպատակին չի հաջողվի հասնել, «եթե Էրդողանի կառավարությունը խուսափի ԱՄՆ օրենքները եւ ՆԱՏՕ-ի չափանիշները խախտելու համար պատասխանատվությունից»։