News
Լրահոս
News
Շաբաթ
Հունվար 22
USD
482.12
EUR
546.68
RUB
6.3
Տեսնել լրահոսը


Այս փուլում հիմնավորապես փոխվում է հանքարդյունաբերության ոլորտի օրենսդրությունը, ուժեղացվում է վերահսկողությունը: Այս մասին, այսօր՝ նոյեմբերի 5-ին, ԱԺում լրագրողներին ասաց Շրջակա միջավայրի նախարար Ռոմանոս Պետրոսյանը։

Խոսելով Ամուլսարի մասին և պատասխանելով հարցին՝ ի վերջո շահագործվելո՞ւ է հանքավայրը, նա նշեց, որ իր լիազորությունների և իրավասությունների շրջանակում այս պահին անելու որևէ մանդատ չունի միջամտելու կամ ներազդելու գործընթացներին, քանի դեռ քրեական գործը չի հանգուցալուծվել և վեր չի հանվել այն օբյեկտիվ իրականությունը, որից հետո միայն կարող են ներգործել իրենց լիազորությունների շրջանակներում։

Լրագրողի դիտարկմանը, թե 2022 թ. պետական բյուջեի ակնկալիքներ բաժնում Ամուլսարի վերաբերյալ  նշում կա, որ եթե շահագործվի, տնտեսական առումով  կապահովի տեղաշարժ, եթե բյուջում ամրագրված է, արդյոք դա նշանակում է, որ օրակարգում Ամուլսարի շահագործումը կա, Ռոմանոս Պետրոսյանը պատասխանեց. «Ցանկացած գործընթաց՝ լինի ընդերքօգտագործում, էնեգետիկա, թե ենթակառուցվածք, պետբյուջեում, կառավարության ծրագրում արտացոլված է, բայց եթե մի գործընթաց այս պահին գտնվում է  քրեաիրավական դաշտում, չի կարող գնահատական հնչեցնել՝ շահագործվելու է, թե ոչ»։

Նախարարը նաև ասաց. «Եթե քրեական գործի հանգուցալուծումից հետո վերհանվի այնպիսի օբյեկտիվ իրականություն, որը կարող է ազդել տվյալ տնտեսվարողի ունեցած ընդերքօգտագործման իրավունքի, ՇՄԱԳ դրական փորձաքննության եզրակացության, ջրօգտագործման թույլտվության վրա, բնականաբար, մեր գործիքակազմերով կմիջամտենք։ Եթե այնպիսի իրողություն վերհանվի պետական, իրավապահ համակարգի կողմից, որ որևէ կերպ կասկածի տակ չի դրվում այդ ինստիտուտները, ապա այս պահին կարող եմ ասել՝ տնտեսվարողն ունի բոլոր անհրաժեշտ իրավունքները, լիցենզիաները, թույլտվությունները, որոնք իրեն թույլ են տալիս շահագործելու Ամուլսարի հանքավայրը»,- ասաց նախարարը։

Նա ընդգծեց, որ եթե տնտեսվարողն ուզի շահագործել իր հանքավայրը, այս պահին նա տիրապետում է բոլոր թույլտվություններին, լիցենզիաներին, ընդերքօգտագործման իրավունքին։

Տպել
Կարդացեք նաև
Ամբողջը
Ամուլսարի հանքավայրի շահագործման թույլտվության գործընթացում հնարավոր չարաշահումների վերաբերյալ քննվող քրգործը կարճվել է
ՀՀ քննչական կոմիտեում տևական ժամանակ իրականացվել են քննչական և դատավարական այլ համակողմանի գործողություններ Ամուլսարի ոսկեբեր...
827 հազար դոլար Ամուլսարի հարակից համայնքներին. «Լիդիան Արմենիան» հրապարակում է տարեվերջյան հաշվետվությունը
Չնայած վերջին 3,5 տարվա ընթացքում Ամուլսարի ծրագրի շուրջ տիրող իրավիճակի հետևանքով «Լիդիան Արմենիան» փաստացի ի վիճակի չի եղել իրականացնել...
«Ամուլսարի հանքը գործարկվելո՞ւ է, թե՞ ոչ». Թեւանյանը հստակ պատասխան պահանջեց նախարարից
Ազգային ժողովի «Հայաստան» խմբակցության պատգամավոր Անդրանիկ Թևանյանը Ֆինանսների նախարար Տիգրան Խաչատրյանից հետքրքրվեց`
Դատարանը հօգուտ «Լիդիան Արմենիայի» վճիռ է կայացրել
Վերաքննիչ վարչական դատարանը վարչական դատարանի նախկինում կայացրած վճիռը թողել է անփոփոխ...
Քոչարյանը՝ Ամուլսարի խնդրի մասին. ձգողականությունը ենթակա չէ կառավարության որոշմանը
Ավանդույթները հաշվի չառնել չի կարելի...
Եթե բնապահպանական հարցեր կան, դա պետք է պետությունը աներ, ոչ թե մի խումբ քաղաքացիներ. Քոչարյանը՝ Ամուլսարի մասին
Ավելի մեծ հարված ներդրումային քաղաքականությանը, դժվար է հորինել…
Ֆոտոռեպորտաժներ