Նոյեմբերի կեսերին Երկրի կողքով կանցնի  պոտենցիալ վտանգավոր 170-ից 380 մետր տրամագծով 2004 UE աստղակերպը, հաղորդում է NASA-ն։

Ամերիկյան գործակալության գնահատմամբ՝ աստղակերպը կմոտենա Երկրին նոյեմբերի 13-ին։ Այն կթռչի ավելի քան 4 միլիոն կիլոմետր, փոխանցում է ՌԻԱ Նովոստին։ 2004 UE աստղակերպը պատկանում է «Ապոլլոնների» խմբին, այն պոտենցիալ վտանգավոր աստղակերպ է։ Աստղակերպի առաջին դիտարկումը թվագրված է 2004թ․։ Հաջորդ անգամ այն կմոտենա Երկրին 2051 թվականին։