ԱՄՆ նախագահ Ջո Բայդենն ուրբաթ օրը հայտարարել է, որ, ամենայն հավանականությամբ, շուտով կզրուցի Ռուսաստանի նախագահ Վլադիմիր Պուտինի եւ Ուկրաինայի նախագահ Վլադիմիր Զելենսկու հետ, հայտնում է ՏԱՍՍ-ը։
Հարցին, թե արդյոք իրեն անհանգստացնում է Ուկրաինայում տիրող իրավիճակը եւ երկրում սպասվող պետական հեղաշրջման մասին տեղեկությունը, Բայդենը պատասխանել է. «Ես անհանգստացած եմ»։ «Լսեք, մենք աջակցում ենք Ուկրաինայի տարածքային ամբողջականությանը եւ աջակցում ենք Ուկրաինայի՝ ինքն իրեն կառավարելու կարողությանը: Մենք դեմ ենք այն ամենին, ինչ նույնիսկ հեռակա պատրաստվել է»,-հավելել է ամերիկացի առաջնորդը՝ խոսելով Ուկրաինայում պետական հեղաշրջման հնարավորության մասին։
Ուրբաթ օրը մամուլի հետ հանդիպմանը Զելենսկին ասել է, որ տեղեկություն է ստացել, որ դեկտեմբերի 1-ին երկրում պետական հեղաշրջում է նախապատրաստվում, եւ որ փորձում են ներգրավել գործարար Ռինատ Ահմեդովին։
