News
Լրահոս
News
Չորեքշաբթի
Հունվար 19
USD
481.65
EUR
546.14
RUB
6.3
Տեսնել լրահոսը

«Հայոց ցեղասպանության թանգարան-ինստիտուտ» հիմնադրամի գրադարանը համալրվել է հրեա ցեղասպանագետ, Encyclopedia of Genocide երկհատոր հանրագիտարանի խմբագիր Իսրայել Չարնիի անձնական գրադարանի ավելի քան 50 միավոր գրքով, որոնք Ֆրանսիայից Հայաստան է բերել բժիշկ ՎիգԷն Կարապետեանը: Գրքերը նրան է փոխանցել Իսրայելում ՀՀ պատվո հյուպատոս Ցոլակ Մոմջյանը: Այս մասին տեղեկանում ենք «Հայոց ցեղասպանության թանգարան-ինստիտուտ»-ի պաշտոնական կայքից:

2011 թ. Իսրայել Չարնին արժանացել էր Հայաստանի Հանրապետության Նախագահի մրցանակի «ի ճանաչումն տասնամյակների ակադեմիական աշխատանքի և ի նպաստ Հայոց ցեղասպանության ճանաչման և ցեղասպանությունների ժխտման հետ կապված հետազոտական գործունեության»: Դեռևս 2013 թ. Իսրայել Չարնին իր անձնական գրադարանից շուրջ 700 միավոր ցեղասպանագիտական գրականություն էր նվիրաբերել Հայոց ցեղասպանության թանգարան-ինստիտուտի գրադարանին, իսկ 2015 թ. Հայոց ցեղասպանության թանգարան-ինստիտուտում բացվել էր Իսրայել Չարնիի անվան աշխատասենյակ, որտեղ և տեղ են գտնել նրա անձնական գրադարանի գրքերը:

Նվիրաբերված հարուստ գրականությունը հնարավորություն կընձեռնի լուրջ գիտական հետազոտություններ իրականացնել հրեական Ողջակիզման, Հայոց ցեղասպանության, ինչպես նաև ցեղասպանությունների համեմատական ուսումնասիրության ոլորտներում:

Տպել
Կարդացեք նաև
Ամբողջը
ԱԳՆ. Հազիվ թե Հայաստանում որեւէ իշխանություն կասկածի տակ դնի Հայոց ցեղասպանության փաստը
Վարչապետի պաշտոնը զբաղեցնող անձը խուսափեց ամբիոնից այս խոսքերը կրկնելուց․․․
Ընդդիմադիր. Հայաստանի իշխանությունը կարող է հրաժարվել Հայոց ցեղասպանությունից եւ Ղարաբաղից
Նրա խոսքով՝ Հայաստանի ներկայիս իշխանությունը կատարում է Թուրքիայի նախապայմանները․․․
Ավստրալիայի համայնքները կառավարությանը կոչ են արել ճանաչել Օսմանյան կայսրությունում տեղի ունեցած ցեղասպանությունը
Առաջարկն արժանացել է խորհրդարանի հավանությանը...
Հայաստանը պետք է 4 նախապայման կատարի. Թուրքիայի մեջլիսի նախկին փոխնախագահ
Հայաստանը պետք է հրաժարվի «ցեղասպանության պնդումներից» քանի որ հենց ՄԻԵԴ–ում Փերինչեք–Շվեցարիա դատական...
Հայոց ցեղասպանության թանգարանը տարվա ընթացքում ունեցել է ավելի քան 22 հազար օտարերկրացի այցելու
Ապրիլի 3-ից վերաբացվել է նաև թանգարանի պատկերասրահը, որտեղ ներկայացված են ֆրանսահայ նկարիչ Ժանսեմի կտավները: 2021 թ. ապրիլ-դեկտեմբեր ամիսներին...
ԺԴԿ 26 պատգամավոր մեղադրվում է «թուրքական պետությանը վիրավորելու» մեջ Հայոց ցեղասպանության ճանաչման կոչերի պատճառով
Քրդամետ կուսակցության պատգամավորները մեղադրվում են Հայոց ցեղապսանությունը ճանաչելու կոչերի պատճառով...
Ֆոտոռեպորտաժներ