Front Tron ինսայդերը թվիթերյան իր էջում հայտնել է, որ Samsung-ը չի թողարկի Galaxy S22 Ultra-ն: Դրա փոխարեն հարավկորեական վենդորը պատրաստվում է ներկայացնել Galaxy S22 Note նոր մոդելը:
Վերջին անգամ ընկերությունը թողարկել է Note սմարթֆոնը 2020 թվականին, որից հետո ցանցում հայտնվել են բազմաթիվ շշուկներ այդ շարքից հրաժարվելու եւ այն նոր սարքով փոխարինելու մասին:
Samsung-ի ապագա ֆլագմանի նկարը հիշեցնում է Note շարքի սմարթֆոնների դիզայնը: Բացի այդ, շշուկների համաձայն, սարքը կունենա S Pen ստիլուսը, որը Note սմարթֆոնների հիմնական ատրիբուտն է, եւ անգամ ունի հատուկ սլոթ:
Հայտնի է նաեւ, որ Samsung Galaxy S22 Note-ը կդառնա խոշոր բրենդի միակ ֆլագմանյան սմարթֆոնը, որում կկիրառվի 180 մեգապիքսել տեսախցիկը:
