News
Լրահոս
News
Չորեքշաբթի
Հունիս 29
USD
408.31
EUR
429.75
RUB
7.83
Տեսնել լրահոսը

ՄԱԿ-ի գլխավոր քարտուղար Անտոնիո Գուտերեշը մտահոգված է փորձություններով, որոնց բախվել են 2020 թվականի օգոստոսի 4-ին Բեյրութի ծովային նավահանգստում տեղի ունեցած պայթյունի հետեւանքով տուժած Լիբանանը եւ նրա քաղաքացիները, հայտնել է ՏԱՍՍ-ը։

Ինչպես շաբաթ հայտնել է Elnashra լրատվական պորտալը, այս մասին նա հայտարարել է դեկտեմբերի 19-22-ը կայանալիք պաշտոնական այցից առաջ տեսաուղերձում։ «Իրականությունն այն է, որ իրենք՝ լիբանանցիները եւ նրանց քաղաքական առաջնորդները պետք է ելք գտնեն ձգձգվող ճգնաժամից եւ պետք է առաջին տեղում դնեն ժողովրդի շահերը», - ընդգծել է Գուտերեշը։

ՄԱԿ-ի գլխավոր քարտուղարը նշել է «երկրում բարեփոխումների իրականացման կարեւորությունը, որոնք Լիբանանը կվերադարձնեն ճիշտ ուղու վրա եւ կօգնեն արմատախիլ անել կոռուպցիան»: Անդրադառնալով մայիսին նշանակված խորհրդարանական ընտրություններին՝ նա մատնանշել է դրանց հիմնարար նշանակությունը եւ հորդորել քաղաքացիներին ակտիվորեն մասնակցել դրանց։ «Լիբանանի ժողովուրդը պետք է լիովին ներգրավված լինի այն ճանապարհի ընտրության հարցում, որով կգնա իրենց երկիրը», - ասել է Գուտերեշը: «Անհրաժեշտ է, որ կանայք եւ երիտասարդները հնարավորություն ունենան խաղալու իրենց դերը, սա միակ ճանապարհն է Լիբանանի համար ավելի լավ ապագայի հիմքեր ապահովելու համար»:

Այցի ընթացքում Գուտերեշը Սուրբ Ծննդին նախօրեին կայցելի Ալ Նաքուրում ՄԱԿ-ի ժամանակավոր ուժերի շտաբ: Բեյրութում ՄԱԿ-ի տարածաշրջանային կենտրոնի մամուլի հաղորդագրության համաձայն՝ նա աջակցություն կհայտնի լիբանանա-իսրայելական սահմանին հրադադարի ռեժիմը հսկող խաղաղապահներին, ինչպես նաեւ երկար ժամանակ հումանիտար առաքելությամբ Լիբանանում աշխատող ՄԱԿ-ի գործակալությունների աշխատակիցներին։

Գուտերեշը կհանդիպի Լիբանանի նախագահ Միշել Աունի, խորհրդարանի խոսնակ Նաբիհ Բերիի եւ վարչապետ Նաջիբ Միքաթիի, ինչպես նաեւ մի շարք կրոնական առաջնորդների եւ քաղաքացիական հասարակության ներկայացուցիչների հետ: «ՄԱԿ-ի գլխավոր քարտուղարը կայցելի Բեյրութի ծովային նավահանգիստ, որտեղ կզրուցի արտակարգ իրավիճակից տուժած ընտանիքների հետ», - ասվում է մամուլի հաղորդագրության մեջ։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ՄԱԿ-ի գլխավոր քարտուղարը, Ուկրաինայի իրավիճակի ֆոնին, քննադատել է վառելիքի համար կատարվող ներդրումների աճը
Գուտերիշը կոչ է արել ակտիվացնել անցումը վերականգնվող էներգետիկային...
Օվկիանոսի արտակարգ իրավիճակը որոշ երկրների եսասիրության հետեւանք է. Գուտերեշ
ՄԱԿ-ի գլխավոր քարտուղար Անտոնիո Գուտերեշն ասել է, որ որոշ պետությունների եսասիրությունը խոչընդոտում է օվկիանոսների պաշտպանության համար երկար սպասված պայմանագրի կնքման ջանքերին:
Աֆղանստանում կանանց եւ աղջիկների իրավունքների վերաբերյալ բանավեճ կլինի ՄԱԿ-ում
Աշխարհը բախվել է սովի աննախադեպ համաշխարհային ճգնաժամի․ Անտոնիո Գուտերեշ
IPC-ի տվյալներով՝ 34 երկրներում միլիոնավոր մարդիկ սովի շեմին են․․․
Ադրբեջանցիների ծայրահեղ դաժան արարքներին միջազգային արձագանքը եղել է մեղմ ասած անհամաչափ ու անբավարար. ՀՀ ՄԻՊ
Իր ուղերձում Պաշտպանը բարձր է գնահատել Հատուկ զեկուցողի՝ արտադատական, ամփոփ կամ կամայական մահապատիժների ուղղությամբ կատարած աշխատանքը...
Նարեկ Մկրտչյանը հանդիպել է ՄԱԿ-ի UN Women կառույցի ներկայացուցիչ Կաորի Իսիկավայի հետ
Բարձր գնահատելով կառույցի գործունեությունը տարբեր երկրներում կանանց զորեղացման և գենդերային հավասարության ապահովման գործում՝ նախարար...
Ֆոտոռեպորտաժներ