Իսրայելի վարչապետ Նաֆթալի Բենեթը «դեմ չէ» Իրանի եւ համաշխարհային տերությունների միջեւ «լավ» միջուկային համաձայնագրին, սակայն կասկածում է, որ նման արդյունքի կարելի է հասնել ընթացիկ բանակցությունների արդյունքում։
Բենեթը ելույթ է ունեցել Վիեննայում Իրանի միջուկային համաձայնագրի երկարաձգման շուրջ բանակցությունների վերսկսումից մեկ օր անց։ Նա կրկնել է, որ Իսրայելը պարտավորված չէ որեւէ համաձայնագրով, ինչը նրան ռազմական իմաստով մանեւրելու հնարավորություն է տալիս։ «Ի վերջո, իհարկե, լավ գործարք հնարավոր է»,- ասել է Բենեթն Իսրայելի բանակի ռադիոյին: «Արդյո՞ք սպասվում է, որ դա տեղի կունենա այս պահին՝ հաշվի առնելով ներկայիս դինամիկան: Ոչ, քանի որ շատ ավելի կոշտ դիրքորոշում է պահանջվում»,- հայտնում է AP-ն։
Բենեթը նաև հերքել է նախկին վարչապետ Բենիամին Նեթանյահուի պնդումները, թե նա համաձայնել է Վաշինգտոնի հետ «անսպասելի» քաղաքականությանը, ինչը նշանակում է, որ նա անկեղծ է լինելու Իրանի նկատմամբ իր ռազմական մտադրություններում եւ այդպիսով կարող է բարդ վիճակում հայտնվել: «Իսրայելը միշտ կպահպանի գործելու եւ իրեն պաշտպանելու իրավունքը»,- ասել է նա:
Բենեթը բանակցողներին կոչ է արել ավելի կոշտ դիրքորոշում ցուցաբերել Իրանի նկատմամբ:
