Ալմաթիում հայկական խաղաղապահ զորախմբի հիմնական խնդիրներից մեկը թույլ չտալն էր, որ ահաբեկիչները թունավորեն տեղի ջրմուղը։ Այս մասին չորեքշաբթի լրագրողներին ասել է հանրապետության խաղաղապահ զորախմբի հրամանատար, մայոր Հայրապետ Մկրտչյանը, տեղեկացնում է ՏԱՍՍ-ը։
«Հիմնական խնդիրներից մեկը «Դրուժբա» ջրաբաշխիչ կետում ջրի թունավորումը թույլ չտալն էր»,- ասել է նա։
Զինվորականի խոսքով՝ ջրաբաշխիչ կետը ռազմավարական օբյեկտ է, եւ կար այն թունավորելու տեսական սպառնալիք։
Հայ խաղաղապահներն Ալմաթիում զբաղվում են ոչ միայն «Դրուժբա» ջրաբաշխիչի պահպանմամբ, այլեւ ապահովում են հացի ամենամեծ գործարաններից մեկի անվտանգությունը։