News
Լրահոս
News
Չորեքշաբթի
Մայիս 25
USD
450.71
EUR
480.77
RUB
8.04
Տեսնել լրահոսը


Քանի որ Արմեն Սարգսյանի հրաժարականի հրապարակումից ժամեր առաջ եմ դրա մասին իմացել, բնականաբար մեր քաղաքական թիմն ավելի ուշ է իմացել. մենք նախկինում այդ թեմայով քննարկում չենք ունեցել, բայց հիմա հասկանալի է, որ լրջորեն պետք է քննարկենք: Այս մասին այսօր՝ հունվարի 24-ին, մամուլի ասուլիսում նշեց ՀՀ վարչապետ Նիկոլ Փաշինյանը՝ անդրադառնալով հարցին, թե ով է լինելու ՀՀ նախագահի իրենց թեկնածուն:

Նրա խոսքով, քննարկումների արդյունքում պետք է առաջնորդվեն վերջին 4 տարվա պատմության փորձով. «Այո, ՔՊ-ի խմբակցությունն է, որ պետք է ընտրի ՀՀ նախագահ: Առանց մեծամասնության հնարավոր չէ նախագահի ընտրությունը: Կարծում եմ՝ պետք է գնանք այնպիսի լուծումների, որ ՀՀ նախագահի, կառավարության եւ խորհրդարանական մեծամասնության միջեւ լինի քաղաքական ներդաշնակություն: Պետք է լինի այնպիսի իրավիճակ, որ ԱԺ-ն, կառավարությունն ու ՀՀ նախագահն իրենց կապված են զգում միասնական պատասխանատվությամբ: Մեր մտքերի ընթացքն այդպիսին է:

Ես չեմ կարող ասել, որ մենք  այս պահին որոշում ունենք: ՔՊ-ի ղեկավար մարմի ֆորմատով են կայացվում: Իմ դիտարկումն այն է, որ եթե այս իրավիճակի առաջ ենք կանգնած,  քաղաքական ներդաշնակության հարցը կարեւոր է լուծել: Այդ ներդաշնակության սակավության պատճառով մենք շատ լուրջ մարտահրավերներ ենք ունեցել: Մասնավորապես նախորդ տարի ԳՇ հայտնի հայտարարության համատեքստում այստեղ իշխանության խնդիր չէր, մենք պետականության կորստի եզրին էինք գտնվում այդ ժամանակ: Պետական եւ ազգային անվտանգության առումով կարեւոր է, որ այդպիսի իրավիճակների չառերեսվենք այլեւս: Իհարկե, ՍԴ-ն այդ իրավիճակին տվեց իրավական լուծում, եւ այլեւս բացառվում են այդպիսի իրավիճակներ: Բայց ամեն դեպքում քաղաքական ներդաշնակությունը կարեւոր է»,-հայտարարեց Փաշինյանը:

Դիտարկմանը, որ ԱԺ-ում ՔՊ-ն չունի ¾, հետեւաբար առաջին փուլում չի կարողանա ընտրել նախագահ, Փաշինյանը պատասխանեց. «Սահմանադրությամբ կարգավորված է, այստեղ ճգնաժամային իրավիճակի ռիսկեր չունենք: Կա նախագահի ընտրության առաջին փուլ, երկրորդ փուլ եւ անգամ երրորդ փուլ, եթե առաջին երկու փուլերում նխագահ չի ընտրվում: Հետեւաբար ՔՊ-ն ի վիճակի է ընտրել ՀՀ նախագահ առնվազն երկրորդ փուլում»:

!
Այս նյութը հասանելի է նաև   English and Русский
Տպել
Ամենաշատ