Հայաստանը դեռ չի կողմնորոշվել՝ իշխող «Քաղաքացիական պայմանագիր» կուսակցության կողմից խորհրդարանի փոխխոսնակ, հատուկ ներկայացուցիչ Ռուբեն Ռուբինյանը կմասնակցի արդյոք Անթալիայի երկրորդ դիվանագիտական ֆորումին, որը կանցկացվի այս տարվա մարտի 11-ից 13-ը։ Այս մասին հունվարի 27-ին Ազգային ժողովում լրագրողների հետ հանդիպման ժամանակ հայտարարեց ԱԺ արտաքին հարաբերությունների մշտական հանձնաժողովի նախագահ, իշխող «Քաղաքացիական պայմանագիր» կուսակցության պատգամավոր Էդուարդ Աղաջանյանը։
Նա խոստովանեց, որ Թուրքիայի արտգործնախարարի հայտարարության մասին իմացել է ճեպազրույցից անմիջապես առաջ։
«Մինչ ճեպազրույցը տեղեկություն ստացա Մեւլութ Չավուշօղլուի հայտարարության մասին եւ հասցրեցի քննարկել միայն Ռուբեն Ռուբինյանի հետ։ Նրա կողմից վերջնական որոշում դեռ չկա»,- ասաց Աղաջանյանը։
Նշենք, որ ավելի վաղ Թուրքիայի արտգործնախարարը գործընկերներ էր հրավիրել հարեւան երկրներից, այդ թվում՝ Հայաստանից ու Հունաստանից։ Նա նրանց առաջարկել է մասնակցել Անթալիայի դիվանագիտական ֆորումին։
Չավուշօղլուն, մասնավորապես, ասել է, որ համաժողովին կարողա նաև մասնակցեն Հայաստանի արտգործնախարար Արարատ Միրզոյանն ու հատուկ բանագնաց Ռուբեն Ռուբինյանը։ Միաժամանակ նա ասաց, որ ակտիվորեն քննարկվում է նաեւ Հայաստանի վարչապետ Նիկոլ Փաշինյանի մասնակցությունը։
Հիշեցնենք, որ հունվարի 24-ին կայացած մամուլի ասուլիսին վարչապետ Նիկոլ Փաշինյանը հայտարարեց հայկական կողմի հնարավոր մասնակցության մասին։
