Ինչպես հայտնում է SHAMSHYAN.com-ը, փետրվարի 26-ին ոստիկանները Տիգրան Մեծի պողոտայից թմրամիջոց պահելու կասկածանքով Էրեբունու բաժին են բերման ենթարկել 2 քաղաքացու:
Նրանք են՝ Երևանի բնակիչներ, 42-ամյա Ներսես Պողոսյանը և 42-ամյա Սեյրան Սարգսյանը:
Ներսես Պողոսյանը Ավան վարչական շրջանի ղեկավարի տեղակալն է․ նրա մոտ օգտագործված կաթուցիչ է հայտնաբերվել։ Պողոսյանը հայտնել է, որ իր մոտ հայտնաբերված կաթուցիչն ինքը գտել է մեկ օր առաջ երեկոյան՝ Նոր Նորքի 2-րդ զանգվածում գտնվող այգուց:
Փաստի առթիվ ոստիկանության Էրեբունու բաժնի հետաքննական բաժանմունքում նյութեր են նախապատրաստվում:
Նշանակվել է դատանյութագիտական փորձաքննություն:
Ն. Պողոսյանն ու Ս. Սարգսյանը բաց են թողնվել:
